Աղացած մսով լցոնած սմբուկ կարտոֆիլի պյուրեով
Որոշ ժամանակ առաջ ընթրիքից հետո շատ խավարտներ՝ կողմնակի ուտեստներ մնացին, իսկ ես չեմ սիրում դեն նետել մթերքները: Ուստի որոշեցի մի համեղ բան պատրաստել: Բացեցի սառնարանը, իսկ այնտեղ դրված էին սմբուկները:
Այդ օրը ես առաջին անգամ պատրաստեցի աղացած մսով սմբուկ: Այդ ժամանակվանից սկսած ես դիտմամբ ավելի շատ պյուրե կարտոֆիլ եմ պատրաստում, որպեսզի մնա նաև իմ սիրած ուտեստի համար:
Ես ձեզ հետ կիսում եմ բաղադրատոմսը, քանի որ ուտեստը ստավում է աներևակայելի համեղ և օրիգինալ: Սա իսկական աստղ կլինի ձեր սեղանին: Ջեռոցի մեջ աղացած մսով սմբուկը նուրբ է և հյութեղ: Խորհուրդ ենք տալիս անպայման փորձել:
Աղացած մսով լցոնած սմբուկ. Անհրաժեշտ բաղադրիչները
- Կարտոֆիլի պյուրե 700 գ
- Սոխի փոշի 2 թեյի գդալ
- Ուրց 1 թեյի գդալ
- Սխտորի փոշի 2 թեյի գդալ
- Աղ 2,5 թեյի գդալ
- Սև պղպեղ (աղացած) 0,8 թեյի գդալ
- Աղացած տավարի միս 300 գ
- Պապրիկա 0,5 թեյի գդալ
- Սոխ 50 գ
- Մաղադանոս 20 գ
- Սմբուկ 2 հատ
- Լոլիկի հյութ 250 մլ
- Պարմեզան 50 գ
Աղացած մսով լցոնած սմբուկ. Պատրաստման եղանակը
- Պյուրե կարտոֆիլին ավելացնել 1 թեյի գդալ չորացրած սոխ, ուրց, չոր սխտոր, 0.5 թեյի գդալ պղպեղ, աղի կեսը և խառնել:
- Աղացած տավարի մսին ավելացնել մնացած չորացրած սոխը, աղը, պղպեղը, պապրիկան, մանր կտրատած սոխը, մաղադանոսը և խառնել:
- Սմբուկները կտրատել երկայնքով, իսկ դրսից յուրաքանչյուր կեսի վրա անել լայնակի կտրվածքներ, այնուհետև կտրել դրանք մեջտեղից՝ հարմոնի նման բացելու համար: Յուրաքանչյուր անցքի մեջ լցնել աղացած մսի միջուկ:
- Լցնել կարտոֆիլի պյուրեն ջեռոցի ձևամանի մեջ և վրան շարել սմբուկի համոնները:
- Լցնել լոլիկի հյութը և ցանել պարմեզանով: Թխել 180 ° C տաքացրած ջեռոցում 45 րոպե:
Կարելի է որպես առանձին ուտեստ մատուցել, որովհետև ստացվում է հագեցնող ու գեղեցիկ կերակուր և ոչ մի հավելում չի պահանջում: Ճաշի կամ ընթրիքի հիանալի լուծում է:
Աղացած մսով լցոնած սմբուկը պատրաստ է:
Բարի ախորժակ:
Տեսանյութ
Գառնի յարախ
