Այսօր արագ նախաճաշ կպատրաստենք հաշված րոպեների ընթացքում, բայց տեսքն ու համը երկար կմնա ձեր հիշողության մեջ ողջ օրվա ընթացքում։
Содержание
Արագ Նախաճաշ Բաղադրիչներ
- Ձու — 4 հատ
- Ապխտած միս, խոզապուխտ, երշիկ կամ բաստուրմա — մի քանի շերտ
- Հալվող պանիր — 100 գր․
Արագ Նախաճաշ․ Ինչպես պատրաստել
- Սկզբում քերիչով անցկացնենք հալվող պանիրը, ի դեպ շուկաներում հիանալի լոռի պանիր ունենք, որը հոլանդական հալչողին չի զիջում համով, կարող եք և դրանցից վերցնել, քերեցինք դնում ենք կողքի
- 4 ձուն հարում ենք, կարող եք ձվի քանակը որոշել ըստ ձեր ախորժակի իհարկե, խոհանոցում հստակ կանոններ չեն գործում
- Թավայի մեջ բացի ձիթայուղից նաև մի կտոր կարագ դնենք, այդպես նախաճաշը ավելի հագեցնող կլինի և երկար կուշտ լինելու զգացողություն կունենաք
- Ձուն ամբողջությամբ դատարկում ենք թավայի մեջ, սպասում ենք տակի շերտը այնքան պնդանա, որ առանց քանդվելու կարողանանք շուռ տալ և շուռ ենք տալիս
- Մի անկյունում պետք է շարենք խոզապուխտ, որը ես եմ ի դեպ պատրաստել, պատրաստման եղանակը կարող եք տեսնել մեր կայքում և մեր Յութուբյան ալիքում
- Հալվող պանիրն են լցնում վրան և մյուս կողմով փակում ձվածեղը
- Կարող եք խոզապուխտի փոխարեն բաստուրմա, երշիկ կամ հավի խաշած միս դնել, կրկին շատ համեղ կստացվի
- Շուռումուռ ենք տալիս և վերջ վերցնում ենք կրակից
- Սերմերից մի բուռ լցնենք ափսեի մեջ, դուք շատ օգտագործեք դդումի, արևածաղկի, կտավատի սերմեր և քունջութ իհարկե
- Ես նման խառնուրդ առատորեն լցնում եմ աղցաններին, նախաճաշին օգտակար և համեղ
- Տեսեք պանիրն ինչ ախորժելի հալչել է, իսկ խոզապուխտի բույրն ուղղակի խենթացնում է
Արագ Նախաճաշ 2 րոպեում․ Համեղ Նորույթ գուրմանների համար Տեսանյութ
Դե ինչ, բարի նախաճաշ և գեղեցիկ օր բոլորիս։