Բանջարեղենով ռուլետ պատրաստելու համար առաջարկում ենք օգտագործել սովորական շերտավոր խմոր և սնկով լցոն, իսկ մսի փոխարեն թխել դդում և ամբողջական սունկեր: Մի խնայեք կծու համեմունքները` ուտեստն ավելի համեղ և անուշաբույր դարձնելու համար:
Ջրի փոխարեն կարող եք վերցնել ցանկացած բուսական կաթ, իսկ եթե չեք հրաժարվում կաթնամթերքից, կարող եք օգտագործել սովորական կաթ: Կարող եք քնջութի սերմեր ցանել: Մի վախեցեք լցոնի բաղադրության հետ փորձեր անել, օրինակ, ավելացնել գազար կամ սմբուկ, գլխավորն այն է, որ հեղուկը հնարավորինս քամվի, որպեսզի ռուլետը «չլողա»:
Բանջարեղենով ռուլետ շերտավոր խմորով. Անհրաժեշտ բաղադրիչները
_Շերտավոր խմոր 250 գ
_Դդում 300 գ
_Շամպինիոն 300 գ
_Ձիթապտղի յուղ 2,5 ճաշի գդալ
_Ուրց 1 փունջ
_Ընկույզ մի քանի հատ
_Խնկունի 1 թեյի գդալ
_Սոխ շալոտ 1 հատ
_Սխտոր 2 պճեղ
_Սպանախ 150 գ
_Ջուր 3 ճաշի գդալ
Բանջարեղենով ռուլետ շերտավոր խմորով. Պատրաստման եղանակը
_Տեղադրեք 3-4 խոշոր սունկ (հնարավորության դեպքում օգտագործեք պորտոբելլո) յուղաթղթի վրա ՝ գլխարկները դեպի ներքև:
_Սրանց ավելացնել խորանարդիկներով կտրատած դդում: Կաթեցնել մի ճաշի գդալ ձիթապտղի յուղ և համեմել աղով, պղպեղով և լցնել ուրցի 2 ճյուղերից պոկած տերևներ:
_Թխել 190 աստիճանի տակ, մինչև բանջարեղենը փափկի (մոտ 15 րոպե): Թաթախել թղթե սրբիչներով` ավելորդ յուղը հեռացնելու համար:
_Սնկի մնացորդները, ընկույզը և 1 ճաշի գդալ թարմ ուրցի և խնկունի տերևները աղալ խոհանոցային կոմբայնի կամ բլենդերի օգնությամբ:
_Տապակել սոխը 1 ճաշի գդալ յուղով, մինչև դառնա կիսաթափանցիկ, ավելացնել ճզմած սխտորը և եփեք ևս մեկ րոպե:
_Ավելացնել սնկով խառնուրդը և եփել այնքան ժամանակ, մինչև հեղուկի մեծ մասը գոլորշիացվի:
_Մեկ ուրիշ թավայի մեջ 1 թեյի գդալ յուղով տապակել սպանախը մինչև փափկի, աղ և պղպեղ անել: Սա նույնպես ցամաքեցնել թղթե սրբիչով:
_Խմորը գրտնակել, սունկի խառնուրդի կեսը տարածել խմորի երկար կեսի վրա ՝ եզրից մի փոքր հետ թողնելով: Դրանից հետո ավելացնել սպանախը, դդումն ու ամբողջական սնկերը:
_Ծածկել մնացած սնկային խառնուրդով, խմորի եզրերը ջրով թրջել և սեղմել պատառաքաղի ատամներով, խմորի մակերեսային կտրվածքներ կատարել, գլանափաթեթը ջրով խոնավացնել:
_Թխել 200 աստիճանի տակ մոտ 25 րոպե:
Պատրաստի կարկանդակը տաք վիճակում մատուցել կողմնակի ուտեստի կամ աղցանի հետ:
Բանջարեղենով ռուլետը շերտավոր խմորով պատրաստ է:
Բարի ախորժակ
Տեսանյութ
Լավաշով ռուլետ լցոնած ձկով
