Դդմիկը պետք է շատ օգտագործել ուտեստներում, քանի որ այն հարուստ է տարբեր միկրոտարրերով, պեկտիններով և ասկորբինաթթուներով։ Դա է պատճառը, որ այդքան շատ բաղադրատոմսեր կգտնեք մեր կայքում, որտեղ օգտագործվում է դդմիկը։
Այսօր պատրաստելու ենք դդմիկով կոտլետներ, որը ստացվում է շատ նրբահամ, խրթխրթան, ոսկեգույն և համեղ։
Содержание
Դդմիկով կոտլետ — Բաղադրատոմս
- Դդմիկ 2 հ․
- Գազար 1 հ․
- Խառը կանաչի
- Սխտոր 2 պճեղ
- Ձու 2 հ․
- Ալյուր 150 գր․
Դդմիկով կոտլետ — Պատրաստման եղանակը
- Դդմիկն անցկացնել բարակ քերիչով։ Լցնել ցանցի մեջ և վրան աղ ցանել, որ ավելորդ ջուրը դուրս տա։ Գազարը նույնպես անցկացնել քերիչով և դնել մի կողմ։
- Մի կապ խառը կանաչի կտրտել։
- Հիմա հավաքում ենք դդմիկով կոտլետի համար նախապատրաստած բոլոր բաղադրիչները։
- Տարայի մեջ լցնում ենք ջրքամված դդմիկը, քերիչով անցկացված գազարը, սխտոր ենք ճզմում, ձուն, ալյուրը, աղ պղպեղ ցանում վրան, կտրատած կանաչին լցնում և մի լավ խառնում ենք զանգվածը։
- Կրակի վրա տաքացրած թավայի մեջ ձիթայուղ ենք լցնում և գդալ-գդալ զանգվածը լցնում ենք թավայի մեջ։ Քանի որ դդմիկով կոտլետները շատ նուրբ են, այն երկար չենք պահում կրակի վրա․ յուրաքանչյուր կողմից 1-2 րոպեն լրիվ բավարար է, որ ոսկեգունի։
- Մատուցում ենք տաք վիճակում, թեպետ այս կոտլետները անգամ սառը վիճակում էլ շատ համեղ են։
Դդմիկով Կոտլետներ Շատ նրբահամ և համեղ Տեսանյութ
Դե ինչ, բարի ախորժակ։