Այսօր ձեզ հետ կիսվելու եմ իմ տավարի մսով լանգետ պատրաստելու 2 հետաքրքիր տարբերակով, որից մեկը ավանդական է, իմ տարբերակով, իհարկե, մյուսը հետաքրքրական և նորարար։
Ընթացքում կտեսնեք, իսկ ձեր պատրաստած տարբերակները կարող եք լուսանկարել և տեղադրել մեր բաց ֆեյսբուքյան խմբում։
Содержание
Լանգետ բաղադրիչներ
- Տավարի փափկամիս — 500 գր․
- Համեմունքներ՝ աղ, կծու չիլի կարմիր պղպեղ, չորացրած ռեհան, խորովածի կամ լանգետի համար նախատեսված համեմունքի փոշի
- Ձու — 1 հատ
- Պաքսիմատ և վարսակի փաթիլներ
- Ալյուր — 50 գր․
Լանգետի Պատրաստման Հաջորդականությունը
- Լանգետի համար հարկավոր է վերցնել տավարի լավ փափկամիս, ազդրի վերին հատվածից կամ առանց ջլի և առանց ոսկոր կամ յուղի փափկամիս
- Հնարավորինս համապատասխան, այն հարկավոր է բաժանել մի քանի բարակ շերտերի, որքան հնարավոր է նեղ
- Ես այսօր մեծ կտորներով եմ պատրաստելու, այդպես ավելի տոնական և գեղեցիկ է ստացվում մատուցելիս
- Պետք է լվանալ, անձեռոցիկով չորացնել
- Կերակրի թաղանթը մեզ կգա այստեղ օգնության
- Վրան կցանենք աղ, կարմիր չիլի պղպեղ, նոր միայն կտեղադրենք լանգետի միսը, մսի վրա էլ լրացուցիչ կլցնենք համեմունքներ, ես օգտագործում եմ այս դեպքում չորացրած ռեհան և հատուկ խորովածի կամ լանգետի համար նախատեսված համեմունք փոշի, որը խանութներից կարող եք դուք էլ ձեռք բերել
- Վրայից կերակրի թաղանթով ծածկում ենք, որպեսզի լանգետի մուրճը մաքուր մնա և ավելի ստերիլ լինի
- Լավ ծեծելուց հետո համեմունքները ամբողջությամբ ներծծվեցին մեջը, լրացուցիչ եթե ժամանակ ունեք, կարող եք համեմելուց և ծեծելուց հետո սառնարանում պահել 1-2 ժամ նոր միայն տապակել, շարունակ շուռումուռ տալով
- Հրաշալի տապակվեց, ժամանակը կախված է մսի հաստությունից, որքան բարակ այնքան արագ
- Մատուցում ենք որևէ խավարտի հետ, կամ քերած դդմի ու գազարի հետ
- Անցնենք երկրորդ տարբերակին, միայն աղով ծեծած միսը դնենք կողքի
- Մեկ ձվի վրա ավելացնենք թթվասեր կամ կաթ
- Համեմունքները լցնենք այս թանձրուկի մեջ
- Պաքսիմատն ու վարսակի փաթիլները խառնենք իրար, որպեսզի կեղև կապի լանգետի վրա, սա էլ կարող ենք հագեցնել կծու չիլի պղպեղով և լրացուցիչ համեմունքներով
- Ալյուր էլ պետք կգա մեզ
- Այժմ կոտլետի սկզբունքով լանգետի միսը սկզբում ալրոտենք, հետո լավ թաթախենք թանձրուկի մեջ, վերջում պաքսիմատի
- Ձիթայուղի և լավ տաք թավայի մեջ տապակենք երկու կողմերից
- Վերցնենք կրակից և մատուցենք
- Կտրատենք ըստ ցանկալի կտորների և հյուրասիրենք
- Շատ հյութեղ, համեղ, փափուկ լանգետներ կմատուցենք այսօր ճաշին, բոլորին կհավաքենք սեղանի շուրջ և հուսով եմ, որ ձեր սեղանակիցները կգնահատեն ձեր թափած ջանքերն ու ներդրած սերը ուտեստի մեջ։
Լանգետ Տավարի մսով․ Տոնական Ուտեստի պատրաստման 2 Համեղ տարբերակ Տեսանյութ
Դե ինչ, բարի ախորժակ։
