Լավաշով բլինչիկ ձվով և պանրով 15 րոպեում: Նախուտեստը, որը առաջինն է վերջանում սեղանին դրված ուտեստներից` կարելի է հաջողված համարել: Եվ այսօր մենք ձեզ կպատմենք այդպիսի մի տարբերակի մասին: եկեք պատարստենք լավաշով ռուլետներ ձվով և պանրով: Այս պարզ ուտեստը, որը պատրաստվում է 15 րոպեից քիչ ժամանակում, կարող է օգտագործվել որպես խորտիկ, նախաճաշ կամ թեթև ընթրիք:
Նուրբ, բայց համեղ միջուկը, որը առատորեն համեմված է շատ կանաչիներով` հմայում է առաջին իսկ պատառից: Ի դեպ, կանաչիները կարող են լինել ըստ ձեր ընտրության: Տվյա դեպքում վերցրել ենք սամիթ և սոխ: Կարելի է վերցնել համեմ, ռեհան, մաղադանոս և այլ անուշաբույր կանաչիներ: Եթե որոշել եք կաթնաշոռով միջուկ պատրաստել, խորհուրդ ենք տալիս ավելացնել մի քանի անանուխի տերև:
Լավաշով բլինչիկ ձվով և պանրով. Բաղադրությունը
- Ձու 4 հատ
- Կոշտ պանիր 100 գ
- Լավաշ 1 հատ
- Թթվասեր 2 ճաշի գդալ
- Կաթ 6 ճաշի գդալ
- Կանաչ սոխ ըստ համտեսի
- Սամիթ ըստ համտեսի
- Արևածաղկի ձեթ ըստ համտեսի
Լավաշով բլինչիկ ձվով և պանրով. Պատրաստման եղանակը
- Պինդ եփել երկու ձու: Դրանք սառեցնել և մաքրել: Ձուն քերել խոշոր քերիչով, պինդ պանրի հետ միասին: Ավելացնել սոխ, սամիթ, թթվասեր, աղ և պղպեղ:
- Կաթով հարել երկու հում ձու:
- Լավաշը կտրեք շերտերով: Յուրաքանչյուրի մեջ մի քանի ճաշի գդալ լցոն փաթաթեք, ոլորել խողովակի նման, թաթախել ձվի մեջ և տապակել բուսական յուղի մեջ:
- Տեղադրել դրանք թղթե սրբիչի վրա՝ ավելորդ յուղը ցամաքեցնելու համար: Մատուցել տաք վիճակում:
Պարզ ու ճաշակով նախուտեստը ձեզ բավականություն կպատճառի: Լավաշով ռուլետներն իրենք իրենցով լավն են, բայց որևէ սոուսով դրանք նույնիսկ ավելի լավը կլինեն:
Դրանք կարելի է նաև հացի փոխարեն մատուցել ապուրների և շոգեխաշած ուտեստների հետ, կամ ձեզ հետ վերցնել, երբ գնում եք բնության գիրկը՝ որպես բուտերբրոդներ, կամ երեխաներին, որպես խորտիկ` դասի գնալիս:
Լավաշով բլինչիկը ձվով և պանրով պատրաստ է:
Բարի ախորժակ: