ԽՈՐՈՎԱԾ Հավի Կրծքամիս տնային պայմաններում․ Հյութեղ, Շատ Համեղ և Շատ Արագ

Այսօր մատուցելու ենք ԽՈՐՈՎԱԾ հավի կրծքամիս տնային պայմաններում․ հյութեղ, շատ համեղ և շատ արագ։ Պատրաստելու ենք ջեռոցում, մեր մարինացնելու մեթոդի շնորհիվ խորովածը ստացվում է շատ հյութեղ, փափուկ, անչափ համեղ և խրթխրթան։

Խորոված հավի կրծքամիս՝ անհրաժեշտ բաղադրիչներ

• Հավի կրծքամիս — 500 գր․
• Փոշի կարմիր չիլի կծու պղպեղի
• Սխտորի փոշի ենք լցնում
• Չամանի փոշի
• Մայոնեզ կամ թթվասեր — 50 գր․
• Գազար — 1 հատ
• Սոխ — 1 գլուխ
• Աղ և սև պղպեղ

Պատրաստման եղանակը քայլ առ քայլ

• Հավի կրծքամիսը լավ լվանալ, չորացնել և կտրատել միջին չափի խորանարդիկների, շատ խոշոր լինելու դեպքում ներսում լավ չի եփվի, մարինացման նույն սկզբունքը գործում է նաև կրակի վրա պատրաստելու դեպքում, մեկ անգամ այց մեթոդով փորձելուց հետո, այլև միշտ խորովոածը այսպես եք անելու
• Կտրատված հավի կրծքամիսը լցնում ենք տարայի մեջ, վրան ավելացնում կարմիր չիլի կծու պղպեղ
• Աղ՝ ըստ չափաբաժնի
• Սխտորի փոշի ենք լցնում, կարող եք նաև թարմ սխտոր ճզմել
• Չաման ենք ավելացնում, խորովածին չամանը շատ է սազում
• Ավելացնում ենք առատ մայոնեզ կամ թթվասեր /եթե խուսափում եք մայոնեզ օգտագործելուց, այն անհրաժեշտ փափկություննու հյութեղությունն է ապահովելու/ և մի լավ խառնում ենք, դնում կողքի միառժամանակ, որպեսզի բոլոր համերը խառնվեն իրար

• Մենք շարունակենք նախապատրաստել մյուս բաղադրիչները, գազարը խորոված վիճակում նույնպես շատ համեղ է և օգտական, ուստի գազար ենք վերցնում և մոտավորապես նույն հաստությամբ կտրատում
• Սոխը նույնպես բաժանում ենք նման խորանարդիկների, խորոված սոխ
• Այժմ վերցնում ենք բամբուկե խոհանոցային շամփուրիկներ, որոնց վրա ըստ հաջորդականության պետք է հավաքենք մեր բաղադրիչները, այնպես, որ հավի մսի կտորներին սոխ և գազար հաջորդեն, այս սկզբունքով մի քանի շամփուրիկ հավաքելուց հետո պատրաստենք նաև փլավը, որի վրա պետք է կաթի մեր խորովածի յուղը
• Ջեռոցի համար նախատեսված տարայի մեջ լցնում ենք նախապես լվացված բրինձ
• Ավելացնում ենք մեկ ժամ առաջ նախապես թրջած մանր բլղուր
• Աղ ենք անում և խառնում ենք
• Համեմում ենք աղով, սև պղպեղով, սխտորի փոշիով
• Մի փոքրիկ խորանարդ սոխ և գազար ենք կտրատում մեջը
• Մեկ բաժակ տաք ջուր ենք լցնում և տարայի եզրով այսպես շարում ենք շամփուրները
• Ուղարկում ենք ջեռոց 220 աստիճանում խորովվելու համար մոտ 30-40 րոպե, մինչև ոսկեգույն կեղև կապի
• Հանում ենք ջեռոցից և այդպես տաք-տաք մատուցում

Պարտադիր չէ հյուրեր ունենալ խորովածի արարողություն կազմակերպելու համար։ Տոնի վերածեք ձեր յուրաքանչյուր օրը՝ թեկուզ հենց ձեր խոհանոցում, նման պարզ միջոցներով խորոված անելով և տոնական ընթրիք կազմակերպելով։

Խորոված հավի կրծքամիս Տեսանյութ

Դե ինչ, բարի ախորժակ։