Այսօր պատրաստելու ենք կարմիր պղպեղ մարինադ՝ համեղ նախուտեստ։ Կարմիր պղպեղ մարինացնելու ենք առանց էսենցիայի, մատուցելու ենք նոր բաղադրիչով։
Կարմիր պղպեղ․ Բաղադրատոմս
- Կարմիր պղպեղ -3 կգ․
- Բրոկոլի — 400 գր․
- Սխտոր — 400 գր․
- Քացախ — 250 գր․
- Ձեթ — 250 գր․
- Դափնու տերև
- Մեխակ
- Հիլ
- Սև հատիկավոր պղպեղ
- Նեխուր մեկ փունջ
- Աղ
Ինչպես մարինացնել Կարմիր պղպեղը․ քայլ առ քայլ
Այժմ նախապատրաստենք բաղադրիչները․
- Աշխատում ենք ընտրել հնարավորինս համաչափ և ուղիղ կարմիր պղպեղներ, լվանում ենք և մաքրում պոչերից և միջուկից
- Տարայի մեջ նեխուր ենք դնելու, եթե ժամանակ չունեք, կարող եք հենց ամբողջական այսպես շարել, ես կտրատում եմ սովորաբար,
- Վրան ավելացնում ենք մանր կտրատված սխտորը, որը առատ պետք է լինի, որպես հիմնական բաղադրիչ,
Այժմ պատրաստենք մարինադի համար անհրաժեշտ հեղուկ զանգվածը
- Լցնում ենք ձեթը, այնուհետև քացախը, ծավալը իհարկե կապված է ձեր նախատեսած կարմիր պղպեղների քանակից, սա մեկ բաժնի համար է, չափաբաժինները և բաղադրատոմսը տեսանյութի նկարագրություններ բաժնում կթողնեմ
- Աղ ենք անում
- Սև հատիկավոր պղպեղ ենք լցնում
- Դափնու տերև ենք ավելացնում
- Հհամեմունքների բաղադրակազմը համալրել եմ մեխակով և հիլով նոր նուրբ համ ստանալու համար
- Սխտորները կիսում ենք, որպեսզի բացվի բույրը
- Նեխուրը խոշոր կտրատում և լցնում ենք զանգվածի վրա , որի մեջ պետք է եփենք կարմիր պղպեղները
Այժմ այս զանգվածը դնում ենք գազօջախի վրա և եռալուց հետո կարմիր պղպեղները շարում մեջը, ի դեպ․ կարմիր պղպեղը վիտամին C-ի անսպառ աղբյուր կարող է ձեզ համար հանդիսանալ, իսկ քանի որ մեր ջերմամշակումը շատ կարճ է լինելու՝ վիտամինները հնարավորինս կպահպանվեն
- Պարբերաբար պտտում ենք կարմիր պղպեղները, սպասում ենք մինչև եռան, մոտ 1-2 րոպե եռալուց հետո, անմիջապես փափկելուց հետո ես հանում եմ և դնում մեր նախապատրաստած նեխուրով և սխտորով տարայի մեջ,
- Դրանից հետո նույն զանգվածի մեջ եռացնում ենք բրոկոլիի փնջերը, իսկապես շատ շատ համեղ են ստացվում բրոկոլլիները նման եղանակով մարինացնելուց,
- Բրոկոլին ամրացնում է իմունային և նյարդային համակարգը, այն հրաշալի հակաբորբոքային հատկություն ունի, նորհիվ իր մեջ պարունակող մեծ թվով վիտամինների,
- Կրկին 1-2 րոպե եռալուց հետո հանում ենք բրոկոլիները,
- Վերջում լրացուցիչ սխտորներ շարելով կարող ենք գեղեցկացնել ուտեստը,
Այժմ գեղեցիկ մատուցելու ժամանակն է, ափսեի տակ նեխուրի տերև ենք դնում, վերցնում ենք կարմիր պղպեղները և բրոկոլին տեղադրում կարմիր պղպեղի պոչի փոխարեն, շատ յուրահատուկ և գեղեցիկ է ստացվում։ Հյուրասիրելուց հյուրերի զարմանքն ու հիացմունքը ապահովված է։
Ընդ որում, արդեն ձմեռվա համար ապակյա բանկաներով պահելու դեպքում մարինացված կարմիր պղպեղը այլ ջերմամշակման պետք է ենթարկել, մեր դեպքում պահում ենք սառնարանում և օգտագործում մի քանի օր։ Իսկ սառցախցիկում դնելու դեպքում հնարավոր է մինչև 6 ամիս պահել, իմ խորհուրդը, խուսափեք փակոցներից, քանի որ այն ամենավտանգավոր փակոցներից մեկն է համարվում։
Բարի ախորժակ: