Այսօր շքեղ նախուտեստ կպատրաստենք Հավով Ռուլետ․ Պարզ, արագ և գեղեցիկ Համեղություն։ Այսքան հեշտ, այսքան գեղեցիկ ուտեստ սեղանին ունենալու համար երևի թե այլ տարբերակ չեք էլ գտնի։ Ժամանակ չկորցնենք սկսենք պատրաստել։
Հավով Ռուլետ Բաղադրիչներ
- Հավի կրծքամիս — 1 կիլոգրամ
- Սխտոր — 2 ատամ
- Համեմունքներ — աղ, պղպեղ, չիլի կծու պղպեղ, մանանեխի փոշի, խմելի սունելի՝ բոլորն էլ մոտ կես թեյի գդալ
- Գունավոր պղպեղներ մեկական կամ գազար 4 հատ
- Ընկույզ մեկ բուռ
- Հալվող պանիր — 150 գր․
- Կանաչ սոխ — մի քանի ճյուղ
- Համեմ — փոքր փունջ
Հավով Ռուլետ Պատրաստման եղանակը
- Պետք է վերցնենք հավի փափուկ ոսկրահան կրծքամիս, եթե ոսկորով լինի կրկին խնդիր չէ, միևնույն է մանրացնելու ենք
- Կարող եք հավի փափուկ կրծքամսի փոխարեն ամբողջական հավ վերցնել և հավի ամբողջ փափուկ միսը օգտագործեք ռուլետն ավելի բազմազան համ կունենա
- Սուր դանակ է մեզ պետք, լավ սուր
- Ավանդական եղանակով սրեցինք մեր դանակը․ անցանք գործի
- Կրծքամիսը նախապես լվացել էինք
- Նախ հեռացնենք յուղերն ու ավելորդ կտորները
- Եթե դուք էլ եք հավի կրծքամիս վերցրել ապա սուր դանակով պետք է հնարավորինս բարակ շերտերի վերածենք հավի կրծքամիսը
- Քանի լայնակի շերտ որ կարողանանք հանել այնքան լավ
- Սա պետք է հիմքը լինի մեր ռուլետի, նույնը կարելի է խոզի մսով պատրաստել, առավել հյութեղ և համեղ կստացվի, հորթի մսով ռուլետն էլ է համեղ տարբերակ, դա պարզապես ավելի երկար կեփվի
- Պատրաստ կտորները կտեղափոխենք մեր տարայի մեջ
- Մնացածը, որ կտորներն որ մնացին երկայնակի կտրել չստացվեց, ահա այսպես կմանրացնենք, կկտրատենք կարելի է ասել կծեծենք
- Ամբողջական կտորների կողքին նաև կտեղափոխենք մեր մանրացված ծեծված կտորները, որպեսզի համեմենք
- Ամենաբարդ գործը միսը մշակելն էր, ավարտեցինք
- Այժմ համեմենք
- Մեկ թեյի գդալ աղ լցնենք
- Խոշորահատիկ պղպեղ թարմ աղանք վրան
- Կես թեյի գդալ կծու չիլի պղպեղ կավելացնենք՝ և գեղեցիկ կլինի և կծվությունը կապահովի
- Կես թեյի գդալի չափով կավելացնենք մանանեխի փոշի
- Սովորաբար հավի հետ շատ է սազում, նաև ես ինքս շատ եմ օգտագործում խմելի-սունելի՝ կես թեյի գդալի չափով սա էլ ավելացնենք և անցնենք ձեռքով խառնելուն
- Երկու ատամ սխտոր պետք է ճզմենք վրան, շատ չլցնենք որպեսզի սխտորը իր համով չխեղդի մնացած համերը
- Իմ սխտորճզմիչի գլխիկը հանվում լվացվում և հետո այսպես տեղադրվում է, սխտորն էլ դրվում մեջը և ճզմում ենք
- Սխտորն էլ մի լավ տրորենք մսի մեջ
- Ծածկենք տարայի բերանը և թողնենք մարինացվի համերը լրիվ տա իրար
- Այդ ընթացքում նախապատրաստենք միջուկը
- Հերթը գունավոր պղպեղներինն է
- Որքան գունեղ այնքան գեղեցիկ ռուլետ կստանանք
- Պետք է կտրատենք ահա այսպիսի խոշոր կտորների
- Եթե ձեր ձեռքի տակ պղպեղներ չեն լինի, ոչինչ կարող եք այն փոխարինել գազարով, կրկին կապահովի գույնն ու վիտամինների աղբյուրը
- Գազարը նույն սկզբունքով կպատրաստեք
- Այսինքն կշարեք տապակի մեջ ջեռոցի պղպեղների նման
- Վրան աղ և պղպեղ շաղ կտանք
- Ցանկալի է նաև ձեթոտել
- Ձեթի վրայից պղպեղը կրկին չի խանգարի
- Ջեռոցում պետք է խորովենք մոտ 15-20 րոպե կոնվեկցիոն ռեժիմով որպեսզի խորովվի ոչ թե խաշի, նաև մի փոքր էլ չորացնի մեր պղպեղները կամ գազարները 140-150 աստճանում
- Շարունակենք մինչ այդ մեր միջուկի նախապատրաստումը
- 150 գրամ հալվող պանիր քերենք
- Սա էլ դնենք մի կողմ
- 3-4 ճյուղ կանաչ թարմ սոխ կտրատենք
- Նույն հարմարավետ մկրատով նաև համեմի մեկ փունջ մանրացնենք
- Սա էլ է պատրաստ դնենք կողքի և անցնենք ռուլետի փաթաթմանը
- Սննդային թաղանթ փռենք սեղանին լավ տարածական բոլոր ուղղություններով
- Այս ցելոֆանի տարացքում շարենք արդեն մարինացված հավի կրծքամիսը
- Տակի շերտը հնարավորինս ամբողջական կտորները դնենք, անցքերը փակենք մանր կտորներով, մի խոսքով գորգի պես փռենք այս տարածքի վրա
- Որպես միջուկի առաջին շերտ պետք է փռենք մեր ջեռոցի պղպեղները
- Կարող եք կեղևահանել ցանկության դեպքում, բայց ես չեմ կեղևահանում, քանի որ վիտամինները հենց կեղևի տակն են կուտակված ամենաշատը մրգերի և բանջարեղեննի մոտ
- Թեպետ ճիշտ էլ կնշեք որ ջերմամշակումից հետո դժվար էլ այնտեղ վիտամիններ մնացած լինի
- Ինչևէ գեղեցիկ շարենք մեր մսե գորգի վրա պղպեղները
- Հաջորդ շերտը առատ հալվող պանրի շերտը տարածենք
- Մեկ բուռ ընկույզ մանրացնենք և լցնենք ռուլետի մեջ, սա առավել կճոխացնի մեր ռուլետը
- Կանաչին էլ վերջին շերտն է ամբողջությամբ տարածենք
- Այժմ հնարավորինս ձիգ պետք է փաթաթենք մատներով պահելով միջուկը, որ շատ աջ ու ձախ չթափվի
- Ցելոֆանով հնարավորինս մատներով ամրացնենք կպցնենք իրար
- Փայլաթիթեղի վրա պետք է տեղափոխենք
- Հեռացնենք ցելոֆանե թաղանթը
- Փայլաթիթեղով փաթաթենք, մատներով լրացուցիչ ամրություն հաղորդենք ընթացքում, եզրերն էլ փայլաթիթեղի լավ պինդ ամրացնենք
- Տեղափոխենք ջեռոցի տապակի մեջ
- 140 աստիճանում պետք է դնենք վերև ներքև ռեժիմում
- Քանի որ մեր հավի կրծքամիսը 1 կիլոգրամ էր, պետք է եփվի մեկ ժամ
- Մեկ ժամ անց չենք հանում դեռ ջեռոցից
- Փայլաթիթեղը պետք է բացենք, աջ և ձախ կտանք
- Եվ կրկին ուղարկենք ջեռոց պետք է 100 ստիճանում մնա ևս 15-20 րոպե մինչև երեսը կարմրի ձեզ համար ցանկալի չափով
- Ջեռոցից հանելուց հետո անմիջապես չենք կտրում կքանդվի
- Թողնում ենք սառի, որքան կդիմանանք իհարկե, ցանկալի է գոնե 4 ժամ
- Հետո նոր կտրենք, հիանանք գույների բազմազանությամբ, համի նրբությամբ և յուրահատկությամբ
- Եվ մատուցենք արդեն մատուցարանին թողնելով մնացած չկտրատված կտորը ևս, քանի-որ շատ արագ են վերջանալու կտրատված շերտերը, ես դա ձեզ հավատացնում եմ
Դե ինչ բարի ախորժակ։
