Նոր բանջարեղենային տաք նախուտեստ ենք առաջարկում այսօր պատրաստել, որտեղ որոշիչը սմբուկն է։ Տուրիստների շրջանում շատ սիրելի հայակական ուտեստների շարքում է դասվում, դուք էլ այն շատ կսիրեք, եթե պատրաստեք մեր առաջարկած բաղադրատոմսով։
Содержание
Սմբուկով Տաք Նախուտեստ․ Բաղադրիչներ․
- Սմբուկ — 2-3 հատ
- Քաղցր պղպղեղներ — 2 հատ
- Սոխ — 1 գլուխ
- Սխտոր — 1-2 ատամ
- Լոլիկ — 1 հատ
- Ձիթայուղ, աղ, պղպեղ
- Մեկ փունջ խառը կանաչի
Սմբուկով Տաք Նախուտեստ. Պատրաստման եղանակը․
- Սմբուկի կեղևը ամբողջությամբ չենք հեռացնում և կտրատում ենք կարճ շերտերով,
- Քաղցր պղպղեղները կտրատում են երկարությամբ,
- Սոխը շրջանակաձև,
- Լոլիկը նույնպես օղակաձև ենք կտրատում,
- Մեկ փունջ կանաչին մանր կտրատում ենք,
- Այժմ սկսում ենք տապակել բանջարեղենները ըստ հերթականության, առաջինը սմբուկը, հետո պղպեղը, սոխը և սխտորը, լոլիկը և կանաչին 2-3 րոպե ընդմիջումներով։ Ի դեպ ամբողջ ընթացքում կաթսայի կափարիչը պետք է փակ վիճակում լինի, որպեսզի կարճ ժամանակում բանջարեղենները հասցնեն փափկել,
- Աղն ու բիբարը ամենավերջում ենք ցանում, որպեսզի բանջարեղենները շատ ձիթայուղ չքաշեն իրենց մեջ,
- Կանաչին լցնելուց հետո խառնում և վերցնում ենք կրակից, մատուցում ենք աղցանամանների մեջ տաք վիճակում, բայց սառը վիճակում էլ նոր շատ հետաքրքիր համ է ստանում։