Աբխազական աջիկա. Այս աջիկան մեր ընտանիքի սիրած նախուտեստներից է:
Ժամանակն է պատրաստել տարբեր տեսակի բարիքներ ձմռան համար: Այսօր մենք կպատրաստենք համեղ և հյութալի աջիկա: Ստացվում է պարզապես անհամեմատելի, պայծառ, հարուստ համով և հիանալի բույրով սոուս: Այս համեմունքը կարելի է ավելացնել մսին, ապուրներին, ձկնեղենին, միշտ և ամեն տարբերակում այն հարմար կլինի ձեր ճաշակին:
Աբխազական աջիկա. Անհրաժեշտ բաղադրիչներ
Կանաչ պղպեղից աջիկայի համար անհրաժեշտ է.
_Կծու կանաչ պղպեղ 1 կգ
_Սխտոր 250-300 գ
_Թարմ ռեհան 100 գ
_Թարմ մաղադանոս 100 գ
_Խմելի-սունելի 1 ճաշի գդալ
_Ուցխո-սունելի 1 թեյի գդալ
_Սև պղպեղ 1 ճաշի գդալ
_Աղացած համեմի սերմ 1 ճաշի գդալ
_Աղ 70-100 գ
_Թարմ համեմ 100 գ
_Թարմ սամիթ 100 գ
_Ռեհան չորացրած 15 գ
_Չորացրած համեմ 1 ճաշի գդալ
Կարմիր պղպեղից աջիկայի համար անհրաժեշտ է.
_Կծու կարմիր պղպեղ 1 կգ
_Ընկույզ 500 գ
_Սխտոր 400 գ
_Աղացած համեմ 1 ճաշի գդալ
_Խմելի- սունելի 1 ճաշի գդալ
_Ուցխո-սունելի 1 թեյի գդալ
_Աղ 100 գ
Աբխազական աջիկա. Քայլ առ քայլ բաղադրատոմս
_Ընտրված պղպեղը մանրակրկիտ լավանալ, ապա թողնել, որ ցամաքի: Պղպեղը չորանալուց հետո մանրացնել այն, հանել սերմերը ըստ ցանկության: Եթե սերմերը թողնեք, ապա աջիկան ավելի կծու կլինի:
Լավ կլինի եթե աշխատեք ձեռնոցներով և բաց պատուհանով, որ կծվությունը չազդի ձեռքերի ու աչքերի վրա:
_Պղպեղն աղալ մսաղացի ամենափոքր ցանցով: Այնուհետև աղալ սխտորը, թարմ ռեհանը, մաղադանոսը, համեմը և սամիթը:
_Մանրակրկիտ խառնել ամեն ինչ, լրացնել անհրաժեշտ բոլոր համեմունքները, աղը և նորից լավ խառնել, այնուհետև խառնուրդը մի քանի անգամ անցկացնել մսաղացով, որպեսզի աջիկայի խտությունը դառնա մածուկի նման:
_Պատրաստի աջիկան թողնել սենյակային ջերմաստիճանում առնվազն 3-4 օր, երբեմն խառնելով: 3-4 օր անցնելուց հետո պատրաստի աջիկան լցնել բանկաների մեջ և դրանք շարում սառը տեղ՝ պահեստավորման համար:
_Այժմ սկսենք կարմիր պղպեղից պատրաստել ադջիկա, դրա համար նույնպես պետք է նախապատրաստել պղպեղն՝ ըստ ցանկության հեռացնելով ցողուններն ու սերմերը:
_Հաջորդ քայլով պետք է ընկույզը և սխտորը աղալ մսաղացով: Ընկույզը տալիս է աջիկային փափկություն և քնքշություն: Այնուհետև խառնել ամեն ինչ և ավելացնել համեմունքներ:
_Այս խառնուրդը մի քանի անգամ անցկացնել մսաղացով, որպեսզի աջիկան դառնա փափուկ և նուրբ: Պատրաստի աջիկան լցնել բանկաների մեջ և պահել սառնարանում:
Աբխազական աջիկան պատրաստ է: Ձմռանը այս անուշահոտ պահածոն բառացիորեն կանհետանա մի ակնթարթում:
Բարի ախորժակ: