Ազնվամորու լիկյոր. Դյուրահամ ըմպելիք հաճելի երեկոյի համար
Շատ հաճելի է պատրաստել թույլ ալկոհոլային ըմպելիք տանը, և սիրով հյուրասիրել,մանավանդ երբ դա այնքան էլ բարդ չէ: Բաղադրիչները պարզապես լցնում ենք ալկոհոլի հետ և թրմում մի քանի րոպեից մինչև մեկ ժամ, որպեսզի խմիչքն ավելի բուրավետ դառնա:
Մենք ցանկանում ենք կիսվել ազնվամորու լիկյորի այս բաղադրատոմսով:
Ազնվամորու լիկյոր. Անհրաժեշտ բաղադրիչները
- Ազնվամորի 450
- Օղի 400 մլ
- Շաքարավազ 120 գ
- Կիտրոնի հյութ 2 Ճաշի գդալ
Ազնվամորու լիկյոր.Պատրաստման եղանակը
- Մանրակրկիտ լվանալ ազնվամորու, յուրաքանչյուր պտուղը և մանրացնել դրանք բլենդերով, կամ հավանգով :
- Հատապտուղները հարել բլենդերով ոչ ավել, քան 2-3 րոպե, որպեսզի սերմերը չկոտրվեն:
- Երբ հատապտուղները վերածվեն անուշաբույր խյուսի, տեղափոխել դրանք 1,5 լիտր տարայի մեջ, որը կարող է փակվել:
- Ավելացնել կիտրոնի հյութն ու օղին, լցնել շաքարավազը և հարել մոտ 5 րոպե մինչև հալվի:
- Անպայման փակել տարան և թափահարել պարունակությունը:
- Համտեսել լիկյորը և ցանկության դեպքում շաքար ավելացնել:
- Դրանից հետո խմիչքի տարան դնել սառնարանը՝ մեկ կամ երկու ժամով: Այդ ընթացքում ազնվամորին նստվածք կտա և լիկյորն էլ կսառի:
- Հեղուկը լցնել շշերի մեջ այպես որ, նստվածքը մնա տարայի ներքևում (հարմար է և փոքր քամիչ օգտագործել), կամ խմիչքը թողնել ավելի երկար ժամանակ:
- Ամեն դեպքում, 2 ժամ անց այն արդեն ամբողջովին պատրաստ է օգտագործման համար:
Մատուցել լիկյորը մեղրով, շոկոլադով, պանրով, մրգերով և ընկույզով: Թարմ պատրաստված այս ալկոհոլային ըմպելիքն ունի անհամեմատելի համ ու բույր, այն կարելի է երկար ժամանակ պահել սառնարանում՝ մի քանի ամիս:
Ազնվամորու լիկյորը պատրաստ է:
Հաճելի համտեսում Ձեզ:
Տեսանյութ
Տորթ Շոկո
