Տոնի համար արժե պատրաստել օրիգինալ Աղցան Ժամացույց։
Հին Հունաստանում համեղ ու հագեցնող աղցանների պատրաստումն իսկական արվեստ էր համարվում։ Այն մասնագետները, ովքեր գերազանց էին դրսևորվում այս ուտեստը պատրաստելու գործում, կարող էին խոհարարի պաշտոն զբաղեցնել ամենաբարձր կոչումներ ունեցող ազնվականների և կայսրերի համար:
Ազնվականների սեղանի համար աղցաններ ընտրելու համար, բացի համից նաև արտաքին տեսքը համարվում էր կարևոր չափանիշ։ Մեզ համար նույնպես շատ կարևոր է աղցանի համն ու էսթետիկ տեսքը։
Աղցան Ժամացույց. Բաղադրիչները
_ հավի ձու — 5 հատ
_ աղ — 1 պտղունց
_ կարտոֆիլ — 6 հատ
_ շաքարավազ — 1 թեյի գդալ
_ գազար — 3 հատ
_ քացախ — 1 ճաշի գդալ
_ սոխ — 1 հատ
_ պանիր — 200 գ
_ վարդագույն սաղմոն — 180 գ
_ մայոնեզ — 100 գ
Աղցան Ժամացույց. Պատրաստման եղանակը
_ Կարտոֆիլն ու գազարը եփել մինչև փափկի, իսկ ձուն պինդ խաշել 10-12 րոպե։ Բոլոր մթերքները սառեցնել և մաքրել կեղևը։
_ Սոխը կտրատել կես օղակներով, առանձին ամանի մեջ խառնել քացախի և շաքարավազի հետ։ Սոխը գրեթե ամբողջությամբ ծածկել ջրով և մարինացնել 10 րոպե։
_ Կարտոֆիլն ու երկու գազար մանր քերիչով մանրացնել։
_ Ձվերը բաժանել դեղնուցների և սպիտակուցների, նույն կերպ առանձին քերել։
_ Պանիրը նույնպես քերել, միայն խոշոր քերիչով:
_ Վարդագույն սաղմոնը քամել հեղուկից տրորել պատառաքաղով:
_ Կարտոֆիլի կեսը սեղմելով դնել աղցանամանի մեջ։
_ Աղցանի բոլոր շերտերին պետք է քսել մայոնեզի բարակ շերտ։
_ Կարտոֆիլի շերտի վրա դնել մարինադից քամած սոխի մի մասը։
_ Հաջորդ շերտով վարդագույն սաղմոնը հավասարապես տարածեք մակերեսին:
_ Ձկան վրա սոխ ու կարտոֆիլ լցնել, գազարի շերտ տարածել։
_ Գազարի շերտի վրա դնել պանիրը, ապա սպիտակուցները։ Մակերևույթը պատել մայոնեզի հաստ շերտով։
_ Աղցանի վրա շաղ տալ դեղնուցի փշուրներ:
_ Մնացած գազարից կտրել 12 շրջանակ և անհավասար երկարության երկու բարակ շերտ։
_ Գազարի շրջանակները դասավորել աղցանի վրա ժամացույցի թվատախտակի նման: Գազարի մակերեսին սոուսով նկարել թվերը, իսկ բարակ շերտիկներով դնել սլաքները:
Այսպիսով, ստացվում է Ամանորի գեղեցիկ ու համեղ աղցան։
Բարի ախորժակ:
Տեսանյութ
Ամանորյա աղցաններ
