Առաջարկում ենք պատրաստել համեղ և անուշաբույր աղցան Իշխան: Այս նրբահամ աղցանը կատարյալ է ընտանեկան հավաքույթի համար։
Աղցան Իշխան. Անհրաժեշտ բաղադրիչները
_Կարտոֆիլ 2 հատ
_Հավի կրծքամիս կեսը
_Կանաչ ոլոռ 1 բանկա
_Ձու 3 հատ
_Սալորաչիր 10 հատ
_Ընկույզ 40 գր
_Կարմիր սոխ 1 հատ
_Ճակնդեղ 1 հատ
_Աղ, պղպեղ և մայոնեզ՝ ըստ ճաշակի
Մարինադի համար
_Աղ 0,5 թեյի գդալ
_Շաքար 0,5 թեյի գդալ
_Քացախ 9% 2 ճաշի գդալ
_Ջուր 4 ճաշի գդալ
Աղցան Իշխան. Պատրաստման եղանակը
_Միսը եփել աղ արած ջրի մեջ, որից հետո մանր կտրատել։
_Կարտոֆիլը եփել և քերել խոշոր քերիչով։
_Եփել նաև ձվերը և քերել քերիչով:
_Սոխը կտրատել և համեմել մարինադի համար նախատեսված բաղադրիչներով և թողնել 15 րոպե։
_Սալորաչիրը կտրատել կտորներով:
_Հավաքել աղցանը (կարող եք շարել հենց մատուցման ափսեի վրա, կամ բացվող օղակի օգնությամբ).
_Առաջին շերտը կարտոֆիլն է, մի քիչ աղ անել և թեթևակի սեղմել։
_Վրան մայոնեզի ցանց է պետք անել։
_Երկրորդ շերտը մարինացված սոխն է։
_Երրորդ շերտը հավի միսը և վրան մայոնեզով ցանցը։
_Չորրորդ շերտը կանաչ ոլոռն է։
_Հինգերորդը ձուն է և նորից մայոնեզի ցանց։
_Վեցերորդ շերտով շարել սալորաչրի կտորները և ցանել մանրացված ընկույզ։
_Յոթերորդ շերտով պետք է լցնել քերած ճակնդեղն ու մայոնեզը։
Պատրաստ աղցանը մի երկու ժամով դնել սառնարանը։
Բարի ախորժակ:
Տեսանյութ
Կարմիր աղցան
