Մեր տոնական սեղանների ավանդական ուտեստն է դարձել սա: Աղցան Լցոնած ձվիկներ պատրաստելու համար մեզ անհրաժեշտ է ձու, վարունգի և ծովախեցգետնի ձողիկներ:
Այս աղցանը շատ եմ սիրում նաև որովհետև այն հեշտ է պատրաստվում և մեզ պետք են միայն ամենամատչելի մթերքներ:
Աղցան Լցոնած ձվիկներ. Անհրաժեշտ բաղադրիչները.
_Թարմ վարունգ 1 հատ
_Ծովախեցգետնի ձողիկներ 250 գր
_Ձու 6 հատ
_Սխտոր 4 պճեղ
_Կանաչի՝ ըստ ճաշակի
_Աղ, պղպեղ՝ ըստ ճաշակի
_Մայոնեզ՝ ըստ ճաշակի
Աղցան Լցոնած ձվիկներ. Պատրաստման եղանակը
_Ձվերը եփել, մաքրել և երկու մասի կտրել, դեղնուցը հանել։
_Խեցգետնի ձողիկները մանր կտրատել։
_Թարմ վարունգը մանր կտրատել.
_Սխտորը ճզմել, կանաչին մանր կտրատել։
_Քերել դեղնուցը մանր քերիչով։
_Խառնել դեղնուցը, խեցգետնի ձողիկները, կանաչիները, սխտորը, վարունգը։
_Ավելացնել մայոնեզը, միայն թե շատ չավելացնել, որ զանգվածը չտարածվի։
_Սպիտակուցների մեջ զանգվածը լցնել, վրան սամիթ ցանել և մատուցել։
Նախուտեստը թեթև է, օրիգինալ և շատ պարզ։ Ըստ ճաշակի նաև կարող եք լոլիկը շրջանաձև կտրատել և լցոնած ձվի յուրաքանչյուր կեսի վրա դնել։
Կարևորը բարձրորակ ծովախեցգետնի ձողիկներ կամ խեցգետնի միս գնելն է, կարելի է օգտագործել նաև ծովախեցգետին, այդ դեպքում նույնպես հետաքրքիր համ կարելի է ստանալ։
Այս աղցանի միջուկը կարելի է քսել կրեկերների վրա և մատուցել որպես տարտլետներ, մինի խորտիկներ։
Բարի ախորժակ:
Տեսանյութ
Տապակած ծովախեցգետին
