Պատրաստենք ուղղակի շքեղ համով աղցան խնձորով ու ճակնդեղով: Եվ որ ամենակարևորն է՝ այն շատ օգտակար է բաղադրության շնորհիվ։
Սալորաչիրը բարելավում է աղեստամոքսային տրակտի աշխատանքը։ Բազուկը վերականգնում է արյան որակն ու ծավալը։ Իսկ խնձորն օգնում է մաքրել լյարդը և կանխել լեղաքարային հիվանդության առաջացումը։
Եվ սա աղցանի բաղադրիչների օգտակար հատկությունների միայն մի փոքր մասն է։ Անպայման արժե պատրաստել:
Աղցան խնձորով ու ճակնդեղով. Բաղադրիչներ
_Բազուկ 1 հատ
_Մարինացված վարունգ 1 հատ
_Խնձոր 1 հատ
_Սալորաչիր 35 գ
_Ընկույզ 35 գ
_Սխտոր 2 պճեղ
_Բուսական յուղ
Աղցան խնձորով ու ճակնդեղով. Պատրաստման եղանակը
_Կլպել ճակնդեղը և մանրացնել խոշոր քերիչով։
_Սալորաչրի վրա լցնել ջուր և թողնել 10 րոպե։ Հանել ջրից, չորացնել, կորիզները հեռացնել շերտերով կտրատել, թթու վարունգները մանր կտրատել։
_Կլպել սխտորը և ճզմել մամլիչով:
_Հեռացնել խնձորի կեղևը և հանել սերմերը: Խնձորը քերել խոշոր քերիչով։
_Ընկույզը թեթև բովել ջեռոցում և մանրացնել բլենդերով։
_Ամանի մեջ խառնել խնձորը, սալորաչիրը, թթու վարունգը, ճակնդեղը և սխտորը։
_Խառնելուց հետո լցնել բուսական յուղը կամ թթվասեր։
_Աղցանի վրա ցանել ընկույզը:
Ցանկության դեպքում թթվասերի փոխարեն կարող եք օգտագործել տնական մայոնեզ կամ մանանեխով մածուն:
Բարի ախորժակ:
Տեսանյութ
Նոր աղցան բրոկոլիով
