Աղցան Կարդինալ. Տոնական սեղանի գեղեցիկ ձևավորում

Աղցան Կարդինալ, գեղեցիկ, նրբաճաշակ և անհավանական համեղ տոնական աղցան։ Այն շատ քնքուշ է, հագեցնող և զարմանալի ու յուրահատուկ համով։

Իսկական դելիկատես, տոնական ուտեստ։

Աղցան Կարդինալ. Անհրաժեշտ բաղադրիչները

_Խոզի միս 350 գր

_Գազար 2 հատ

_Պահածոյացված եգիպտացորեն 150 գր

_Ձու 3 հատ

_Կարմիր սոխ 1/2 գլուխ

_Ընկույզ 75 գր

_Կարտոֆիլ 2 հատ

_Նռան հատիկներ

_Աղ՝ ըստ ճաշակի

_Մայոնեզ՝ ըստ ճաշակի

_Մաղադանոս՝ զարդարելու համար

Աղցան Կարդինալ. Պատրաստման եղանակը

_Վերցնել խորը աման, ծածկել թաղանթով, առաջին շերտը դնել մանր քերիչով քերած գազարը, թեթև աղ անել և քսել մայոնեզով:

_Հաջորդ շերտով լցնել մանրած ընկույզը, մի փոքր մայոնեզ քսել:

_Երրորդ շերտը կլինեն մանր քերիչով քերած ձվերը, թեթևակի աղ անել ու մայոնեզ քսել։

_Այնուհետև լցնել պահածոյացված եգիպտացորենի շերտը, մանր կտրատել խաշած խոզի միսը և լցնել եգիպտացորենի վրա և քսել մայոնեզ:

_Վերցնել կես կարմիր սոխը, մանր կտրատել և դնել խոզի մսի վրա, մայոնեզով մի փոքր քսել։

_Այնուհետև կարտոֆիլը քերել մանր քերիչով և լցնել հաջորդ շերտով։

_Այնուհետև վերցնել այն ամանը, որում պետք է մատուցեք աղցանը, դնել աղցանի խորը ամանի վրա և զգուշորեն շրջել այն։

_Աղցանից հեռացնել թաղանթը և վերևի մասում մայոնեզի նախշեր անել։

_Զարդարել նռան հատիկներով և գանգուր մաղադանոսի տերևներով։

Բարի ախորժակ:

Տեսանյութ

Նոր Ամանորյա աղցաններ