Աղցան Կոմս. Ընկույզ, սալորաչիր և ճակնդեղ՝ բաղադրիչների իդեալական համադրությունը ձեզ կտա համի իսկական վայելք

Առաջարկում ենք պատրաստել Աղցան Կոմս: Ժամանակակից համեղ ուտեստներից են աղցաները:

Առանց աղցաններ մեր կյանքն այժմ հնարավոր չէ պատկերացնել, այնինչ միջնադարում աղցաններին վերաբերվում էին որոշակի անվստահությամբ: Հում բանջարեղենից բաղկացած ուտեստները կարող էին լուրջ խնդիր դառնալ մարդու առողջության համար։ Հետևաբար, աղցանները պատրաստվում էին միայն թագավորների և ազնվականների համար:

Աղցան Կոմս. Բաղադրիչները

_ կարտոֆիլ — 4 հատ

_ մայոնեզ — 200 գ

_ աղ — մի պտղունց

_ սխտոր — 3 պճեղ

_ ճակնդեղ — 3 հատ

_ ընկույզ — 100 գ

_ հավի ձու — 4 հատ

_ սալորաչիր — 100 գ

Աղցան Կոմս. Պատրաստման եղանակը

_ Կարտոֆիլը, ճակնդեղը և ձուն պետք է եփել մինչև փափկի և սառելուց հետո կեղևահան անել:

_ Կարտոֆիլը և ճակնդեղը քերել միջին չափի քերիչով։

_ Ձվերը բաժանել դեղնուցների և սպիտակուցների։ Սպիտակուցները քերել միջին քերիչով, իսկ դեղնուցները՝ փոքրով։

_ Սալորաչիրը նախապես փափկեցնել, մանր կտրատել: Ընկույզները մանր կտրատել։

_ Մայոնեզին ավելացնել ճզմած սխտորի պճեղները, մանրակրկիտ խառնել։

_ Կարտոֆիլը սեղմելով դնել աղցանի ամանի վրա, սա ուտեստի հիմքն է:

_ Կարտոֆիլին աղ անել, մակերեսին քսել մի քանի ճաշի գդալ մայոնեզ։

_ Այս շերտի վրա լցնել ճակնդեղը, տարածել, կրկին անել մայոնեզի շերտ։

_ Ճակնդեղի շերտի վրա լցնել սպիտակուցի քերուկը և սալորաչիրը։

_ Սպիտակուցի շերտին քսել սոուսը, մակերեսը ծածկել մանրացված դեղնուցով։ Դեղնուցների հետ միասին լցնել ընկույզը։

_ Թող աղցանը մնա սառնարանում 15 րոպե։

Մի փոքր ներծծվելուց հետո Կոմս աղցանն ավելի համեղ և հարուստ կլինի։

Բարի ախորժակ:

Տեսանյութ

Աղցան Ֆաթուշ