Յուրաքանչյուրս ունենք մեր սիրած նախուտեստը, իմ դեպքում դա Աղցան Հաճույքն է ապխտած հավով: Տարիների ընթացքում այս պարզ ուտեստն ասոցացվել է տոնի հետ։ Համաձայնեք, կան այնպիսի ուտեստներ, որոնք դուք դնում եք տոնական սեղանին՝ անկախ նրանից, թե ինչ ճաշացանկ եք նախատեսել։
Այն, ինչ ես սիրում եմ այս աղցանի մեջ, դրա բազմակողմանիությունն է: Մատչելիությունն ու պարզ բաղադրիչները ավելի են դա կարևորում: Դրանցից յուրաքանչյուրն ունի վառ համ և հյուսվածք: Ես սովորաբար աղցանը լցնում եմ իմ տնական մայոնեզով։ Բայց չեմ անտեսում նաև թթվասերի սոուսը: Պարզապես համեմունքներ և մանանեխ եմ ավելացնում համի համար:
Աղցան Հաճույք. Անհրաժեշտ բաղադրիչներ
_Ապխտած հավի բուդ 400 գ
_Ձու 3 հատ
_Լոլիկ 1 հատ
_Կարմիր սոխ 0,5 հատ
_Պահածոյացված եգիպտացորեն 100 գ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Չորահաց 40 գ
_Մայոնեզ 2 ճաշի գդալ
Աղցան Հաճույք. Պատրաստման եղանակը
_Միսը ոսկորից առանձնացնել։ Հավի միսը կտրատել խորանարդներով։
_Ձվերը եփել և մաքրել, նույն կերպ մանրացնել։
_Հեռացնել լոլիկի պոչը, միջուկը կտրատել խորանարդներով։
_Կլպել սոխը, կտրատել փոքր խորանարդիներով, եգիպտացորենի հյութը քամել։ Բոլոր պատրաստված բաղադրիչները լցնել խորը աղցանի ամանի մեջ։
Ի դեպ. Կարող եք բաղադրիչները լցնել շերտերով, հենց մատուցման ամանների մեջ, արանքներում մայոնեզ քսելով:
_Չորահացիկները լցնել աղցանի բաղադրիչների վրա:
_Ավելացնել աղ, աղացած պղպեղ և մայոնեզ ըստ ճաշակի:
_Բաղադրիչները լավ խառնել։ Մատուցել աղցանն անմիջապես։
Եթե որոշ ժամանակ անց եք նախատեսում մատուցել աղցանը, ապա ավելի լավ է դրան անմիջապես չորահացերը չավելացնեք։ Բանն այն է, որ դրանք պետք է խրթխրթան լինեն: Անձամբ ես բոլոր բաղադրիչները լցնում եմ աղցանի ամանի մեջ և պահում դրանք սառնարանում: Իսկ աղցանը մատուցելուց անմիջապես առաջ ավելացնում եմ մայոնեզ և չորահացեր։
Ահա այսպիսի պարզ բաղադրատոմս:
Բարի ախորժակ:
