Համեղ աղցան հավի մսով. Հետաքրքիր ու դյուրամարս այս նախուտեստը շատ տեղին կլինի ճաշին մատուցել

Առաջարկում ենք պատրաստել դյուրամարս, հետաքրքիր ու համեղ աղցան հավի մսով, բողկով և շամպինիոններով:

Հավի մսով աղցանը կթարմացնի սեղանը, հատկապես, եթե այն ծանրաբեռնված է յուղալի ու մսային ուտեստներով:

Այս աղցանի սոուսի մեջ բալզամիկ սոուսը կարելի է փոխարինել կիտրոնի հյութով, բայց ոչ ցանկալի, քանի որ աղցանի յուրահատուկ համը կչեզոքանա։

Համեղ աղցան հավի մսով. Անհրաժեշտ բաղադրիչները

— հավի կրծքամիս 200 գ

— բողկ 200 գ

— շամպինիոններ 300 գ

— սոխ 1 հատ

— մայոնեզ ըստ ճաշակի

Սոուսը պատրաստելու համար վերցրեք.

— մեղր 1 թեյի գդալ

— ձիթապտղի կամ այլ յուղ 2 ճաշի գդալ

— սոյայի սոուս 2 ճաշի գդալ

— բալզամիկ սոուս 1 ճաշի գդալ

Համեղ աղցան հավի մսով. Պատրաստման եղանակը

_ Հավի կրծքամիսը խաշել ջրի մեջ։

_ Սոխը կտրատել փոքր խորանարդիկների մեջ և տապակել բուսայուղի մեջ, մինչև կիսով չափ եփվի։

_ Սունկը կտրատում ենք բարակ շերտերով կամ փոքր կտորներով և ավելացնել սոխին։ Տապակել մինչև ամբողջ հեղուկը գոլորշիանա։

_ Տապակման ավարտից մի քանի րոպե առաջ աղ և պղպեղ անել ըստ ճաշակի, թողնել մի կողմ։

_ Մարինադի համար խառնել մեղրը, ձիթապտղի յուղը, սոյայի և բալզամիկ սոուսները, խառնել, մինչև հարթ լինի։

_ Եփված կրծքամիսը մանր կտրատեք կամ պարզապես բաժանեք փոքր մանրաթելերի։

_ Մսի վրա լցնել մարինադը և թողնել 1 ժամ սենյակային ջերմաստիճանում կամ ամբողջ գիշեր պահել սառնարանում։

_ Քերել բողկը կորեական գազարի քերիչով, աղ անել, թողնել 5 րոպե, քամել հյութը և խառնել սնկի ու սոխի հետ։

_ Համեմել մի քանի ճաշի գդալ մայոնեզով կամ հունական մածունով։

_ Աղցանը հավաքել ափսեի վրա դրված օղակի մեջ։ Բողկը սնկով տարածել օղակի մեջ, սեղմել:

_ Վրան դնել ևս մեկ օղակ՝ ավելի փոքր տրամագծով և մեջը դնում կրծքամիսը։

_ Եթե նման տարբեր չափերի օղակներ չկան, պարզապես մսի շերտը սեղմեք աղցանի հիմքից ավելի փոքր տրամագծով։

 

Զարդարել աղցանը լոլիկով և հազարով։

Բարի ախորժակ:

Տեսանյութ

Հավի մսով աղցան