Աղցան Հրաշք. Հիանալի նախուտեստ, որից դժվար է հրաժարվել

Պատրաստենք Աղցան Հրաշք, որը հարուստ է համերի բազմազանությամբ, կարելի է պատրաստել ինչպես տոնական, այնպես էլ ամեն օրվա համար:

Այն հիանալի այլընտրանք է դասական և ավանդական աղցաններին, ինչպես նաև կնպաստի ձեր ընտանեկան սննդակարգի բազմազանությանը:

Աղցան Հրաշք. Անհրաժեշտ բաղադրիչները

_Հավի կրծքամիս 300 գր

_Շամպինիոններ 300 գր

_Թթու վարունգ 2 հատ

_Ձու 2 հատ

_Պանիր 50 գր

_Սոխ 1 հատ

_Կանաչ սոխ և սամիթ՝ ըստ ճաշակի

_Աղ, պղպեղ՝ ըստ ճաշակի

_Մանանեխ 0,5 թեյի գդալ

_Մայոնեզ՝ ըստ ճաշակի

Աղցան Հրաշք. Պատրաստման եղանակը

_Սունկը կտորներով կտրատել և տապակել չոր թավայի մեջ։

_Երբ հեղուկը գոլորշիանա, լցնել մի քիչ ձեթ և տապակել մինչև փափկի, ավելացնել աղ և պղպեղ:

_Միսը եփել համեմունքներով, թողնել սառչի և մանր կտրատել, լցնել ամանի մեջ։

_Սոխը, վարունգը և պանիրը կտրատել խորանարդներով, լցնել մսով ամանի մեջ։

_Ձվերը եփել, սառելուց հետո մաքրել ու խորանարդներով կտրատել, ավելացնել աղցանին։

_Խառնել մայոնեզը մանանեխի հետ և ավելացնել աղցանին:

_Աղցանը դնել սառնարանում, որպեսզի սառչի 40 — 60 րոպե և մատուցել սեղանին։

Աղցանը շատ համեղ ու ոչ ստանդարտ է ստացվում՝ համերի հիանալի համադրություն համադամասերների համար։

Ավելի վառ համի համար կրծքամիսը մարինացնել տարբեր համեմունքներով և տապակել բուսայուղի մեջ մի քանի րոպե՝ բարձր կրակի վրա։ Սոխը կարելի է նաև նախապես մարինացնել։ Կա բաղադրատոմսի մեկ այլ տարբերակ, որի դեպքում ավելացվում է մի քանի կտոր պահածոյացված արքայախնձոր:

Բարի ախորժակ:

Տեսանյութ

Հավի կրծքամսով աղցան