Աղցան Միկի. Թեթև և համեղ նախուտեստ

Պատրաստենք Աղցան Միկի, որի համար մեզ պետք կգա թարմ վարունգ և տապակած հավի կրծքամիս:

Այսօր ձեզ ենք ուզում ներկայացնել մատչելի աղցանի բաղադրատոմս, որտեղ ամեն ինչ շատ պարզ է, բայց անչափ համեղ:

Աղցան Միկի. Անհրաժեշտ բաղադրիչները

_Հավի կրծքամիս 500 գր

_Վարունգ 2 հատ

_Սոխ 1 հատ

_Ձու 4 հատ

_Աղ և պղպեղ՝ ըստ ճաշակի

Սոխի մարինադի համար

_Ջուր 2 ճաշի գդալ

_Խնձորի քացախ 2 ճաշի գդալ

_Աղ 0,5 թեյի գդալ

_Շաքարավազ 1 ճաշի գդալ

Աղցան Միկի. Պատրաստման եղանակը

_Միսը կտրատել փոքր խորանարդիկներով և կափարիչով ծածկված տապակել այնքան, մինչև հեղուկը գոլորշիանա:

_Հանել կափարիչը և տապակել մինչև ոսկե դարչնագույնը, աղ և պղպեղ, ավելացնել նախընտրած համեմունքները։

_Խառնել սոխի մարինադի բոլոր բաղադրիչները և 20 րոպե մարինացնել սոխը:

_Թարմ վարունգը շերտերով կտրատել, ձուն նույնպես։

_Բոլոր բաղադրիչները խառնել, սոխը նախապես քամել։

_Աղցանը հագեցնել մայոնեզով կամ թթվասերով։

Հուշում. Աղցանը կարող եք հագեցնել նաև բնական յոգուրտով։ Մի մոռացեք կանաչի ավելացնել: Որպեսզի միսը յուղոտ չլինի, տապակելու համար օգտագործեք չկպչուն ծածկով տապակ և շատ քիչ յուղ:

Բարի ախորժակ:

Տեսանյութ

Հավի կրծքամսով աղցան