Աղցան Չաֆան. Հագեցնող ու հաճելի համով լիարժեք ուտեստ
Այսօր կպատմենք, թե ինչպես պատրաստել սիբիրյան հայտնի ուտեստը, որի ճշգրիտ ծագումը դեռ անհայտ է՝ կծու աղցան Չաֆան: Չնայած սա աղցան է՝ շնորհիվ առատ մսի և կարտոֆիլի, այն կարող է ամբողջությամբ փոխարինել լիարժեք կերակուրին:
Բաղադրատոմսում բալզամիկ քացախի փոխարեն կարող եք օգտագործել խնձորի քացախ կամ նույնիսկ այդ բաղադրիչը փոխարինել կիտրոնի հյութով: Թարմ բանջարեղենով և հյութալի տապակած մսի շնորհիվ՝ այս ուտեստը հիթ է դառնում ցանկացած առիթով բացված սեղանի համար, այնպես որ անպայման պահպանեք բաղադրատոմսը:
Աղցան Չաֆան. Անհրաժեշտ բաղադրիչները
- Տավարի միս 300 գ
- Սպիտակ կաղամբ 200 գր
- Կարտոֆիլ 200 գր
- Սոխ 1 հատ
- Գազար 100 գ
- Ճակնդեղ 100 գ
- Մայոնեզ 70 գ
- Սև պղպեղ (աղացած) 0.25 թեյի գդալ
- Մաղադանոս 20 գ
- Արևածաղկի ձեթ 100 մլ
- Պղպեղի խառնուրդ 1 պտղունց
- Աղ 0,5 թեյի գդալ
- Սամիթ 30 գ
- Բալզամիկ քացախ 10 մլ
- Սխտոր 3 պճեղ
Աղցան Չաֆան. Պատրաստման եղանակը
- Մաքրել կարտոֆիլը և կտրել բարակ ձողիկներով: Տապակել արևածաղկի ձեթով մինչև պատրաստ լինելը:
- Կորեական գազարի քերիչով ճակնդեղը և գազարը քերել (կամ բարակ մանր կտրատել):
- Կաղամբը մանր կտրատել և ձեռքերով մի փոքր տրորել:
- Տավարի միսը կտրել բարակ շերտերով և դրան աղ և պղպեղ անել: Տապակել միսը թավայի մեջ:
- Սոխը նույնպես կտրել բարակ շերտերով: Դրան ավելացնել աղ ու քացախ: Մանրացված սոխը տրորել ձեռքերով և թող 5 րոպե մարինացվի:
- Լցնել բոլոր բաղադրիչները ամանի մեջ, ավելացնել մայոնեզը, պղպեղի խառնուրդը և ճզմած սխտորը:
- Խառնել աղցանը և ցանկության դեպքում զարդարել կանաչիներով:
Նման հագեցնող ու համեղ ուտեստը ստացվում է ամենապարզ բաղադրիչներից:
Տոնական սեղանին մատուցելու համար բաղադրիչները լավագույնս մատուցվում են կողք կողքի լցված՝ մեծ սկուտեղի վրա: Եթե այն պատրաստում եք սովորական օրվա ընթրիքի համար, կարող եք ամեն ինչ միասին խառնել և միանգամից ամանի մեջ լցնել:
Աղցան Չաֆանը պատրաստ է:
Բարի ախորժակ
Տեսանյութ
Աղցան Գնչուհի
