Իսկական ժամանակն է պատրաստել բանջարեղենի Աղցան պահածո: Այս կերպ պատրաստված բանջարեղենը բանկաների մեջ մնում է թարմ, բուրավետ, իր բնական համով։
Աղցան պահածո. Անհրաժեշտ բաղադրիչները
_Քաղցր պղպեղ 1 կգ
_Կծու պղպեղ 1 կգ
_Վարունգ 1 կգ
_Ցանկացած կանաչի՝ լավ փունջ
_Սոխ 1 կգ
_Լոլիկ 2 կգ
_Սխտոր 1 գլուխ
_Աղ 2 ճաշի գդալ
Աղցան պահածո. Պատրաստման եղանակը
_Քաղցր պղպեղը կտրատել շերտերով, սոխը՝ կիսաօղակներով, կծու պղպեղը, լոլիկը և վարունգը կտրատել կտորներով, կանաչիները մանրացնել։
_Խառնել բոլոր բանջարեղեններն ու աղը, խառնել, թողնել 30 րոպե։
_Աղցանը լցնել մաքուր բանկաների մեջ, ավելացնել մնացած հյութը, ծածկել կափարիչներով:
_Յուրաքանչյուր տարայի մեջ լցնել մեկ թեյի գդալ շաքարավազ, մեկ ճաշի գդալ բուսական յուղ և քացախ։
_Կաթսայի մեջ բանկաները մանրէազերծել 5 րոպե, սկսած այն պահից, երբ ջուրը սկսի եռալ։
_Կափարիչներով փակել, ծածկել սրբիչով և թողնել, որ սառչի։
Աղցանը կարող եք պահել նկուղում, պահարանում:
Բարի ախորժակ: