Աղցան Սրտակեր. Նրանց համար, ովքեր թարմություն են փնտրում:
Նեխուրի արմատը շատ առողջարար է: Այն պարունակում է մարմնի համար անհրաժեշտ վիտամիններ և հանքանյութեր: Նույնիսկ ջերմային մշակումից հետո նեխուրը պահպանում է դրանց մեծ մասը: Այն նաև բավականին ցածր կալորիականություն ունի: Այդ պատճառով ես այն շատ եմ օգտագործում խոհանոցում:
Նեխուրի արմատն ունի շատ նուրբ համ և հաճելի, ուժեղ բույր: Տապակելուց հետո հոտը պակաս նկատելի կլինի, ինչը թույլ կտա բանջարեղենը ներդաշնակորեն լրացնել այլ բաղադրիչներով: Լոբով և նեխուրով աղցան կարող է սիրված ուտեստ դառնալ գիրանալուց խուսափողների համար:
Աղցան Սրտակեր. Անհրաժեշտ բաղադրիչներ
_Նեխուրի արմատ 550 գ
_Պահածոյացված լոբի 400 գ
_Սոխ 2 հատ
_Ընկույզ 70 գ
_Սամիթ 50 գ
_Մաղադանոս 50 գ
_Մածուն 3 ճաշի գդալլ
_Կարագ 50 գ
_Աղ` ըստ համտեսի
_Սև պղպեղ (աղացած)` ըստ համտեսի
Աղցան Սրտակեր. Պատրաստման եղանակը
_Նեխուրն ու սոխը կտրել շերտերով: Հալեցնել կարագը տապակի մեջ և տապակել մինչև փափկելը ուժեղ կրակի վրա, նախ՝ նեխուրը, ապա ավելացնել սոխը: Անընդհատ խառնելով տապակել մինչև պատրաստ լինելը: Համեմել աղով և պղպեղով:
_Տապակած բանջարեղենը տեղափոխեք խորը ամանի մեջ, հեղուկը քամելուց հետո ավելացնել պահածոյացված լոբին:
_Մանր կտրատել կանաչիները և ընկույզը մանրացնել բլենդերի մեջ: Ընկույզն ու կանաչիներն ավելացնել ամանի մեջ:
_Աղցան համեմել մածունով և լավ խառնել: Թողեք մնա 15 րոպե, որ լավ ներծծվեն համերը և մատուցեք:
Ստացվում է գեղեցիկ աղցան, որը նաև շատ հագեցնող ու թեթև է: Այն կարելի է մատուցել տոնական սեղանի վրա, կամ կարող եք պատրաստել ընթրիքի համար:
Մեկ անգամ փորձելով` այլևս չեք կարող մոռանալ լոբով աղցանի գայթակղիչ նուրբ համը:
Աղցանը պատրաստ է:
Բարի ախորժակ:
