Աղցան վագր Ամանորի համար, շատ համեղ ու գեղեցիկ։ Այս բաղադրատոմսով պատրաստված աղցանը շատ գեղեցիկ, նուրբ ու վառ է ստացվում։ Այն կդառնա ձեր ամանորյա տոնական սեղանի ամենակարևոր զարդարանքը։
Անպայման փորձեք պատրաստել, հաճույք պատճառեք ինքներդ ձեզ և ձեր հյուրերին:
Աղցան Վագր. Անհրաժեշտ բաղադրիչները
_Խոզի փափկամիս 500 գր
_Խոզապուխտ 250 գր
_Թարմ վարունգ 1 հատ
_Ձու 2 հատ
_Դեղնուց 3 հատ
_Պանիր 150 գր
_Կանաչ սոխ՝ ըստ ճաշակի
_Աղ՝ ըստ ճաշակի
_Մայոնեզ՝ ըստ ճաշակի
Հարդարման համար
_Եփած գազար 2 հատ
_Խաշած ձվի սպիտակուց 3 հատ
_Ձվի դեղնուց 1 հատ
_Չորացրած սալորաչիր՝ ըստ ճաշակի
_Մայոնեզ՝ ըստ ճաշակի
_Ճակնդեղի հյութ
_Ատամի չոփիկներ 10 հատ
Աղցան Վագր. Պատրաստման եղանակը
_Սկզբում խոզի խաշած միսն ու խոզապուխտը կտրատել փոքր խորանարդիներով, ապա մանր կտրատել թարմ վարունգը։
_Մանրացված բաղադրիչները տեղափոխել ամանի մեջ, ձվերն ու դեղնուցները կտրատել հատուկ ձու կտրող ցանցով։
_Պանիրը քերել խոշոր քերիչով, ավելացնել մանր կտրատած կանաչ սոխը, ապա թույլ աղ անել, համեմել քիչ քանակությամբ մայոնեզով և ամեն ինչ մանրակրկիտ խառնել։
_Վերցնել մի մեծ հարթ ափսե, մայոնեզի օգնությամբ նկարել վագրի մոտավոր ձևը։ Աղցանը տարածել այդ եզրագծով:
_Վագրի դեմքի սպիտակ մասերին քսել քերած սպիտակուցը, իսկ նարնջագույն տեղերին՝ մանր քերիչով քերած եփած գազարը։
_Աչքերը դեղնուցի և մայոնեզի խառնուրդով ձևավորել, լցնել խոհարարական տոպրակի մեջ և քամել աչքերի ակոսի մեջ։
_Այնուհետև մի քիչ մայոնեզ խառնել ճակնդեղի հյութի հետ։
_Այս խառնուրդը ևս լցնել խոհարարական պարկի մեջ և վագրի քիթը նկարել։
_Չորացրած սալորաչրից պատրաստել սև գծեր՝ դրանից բարակ շերտեր կտրատելով։
_Ատամի չոփիկներով բեղերը պատրաստել։
_Սալորաչրից կտրել բիբեր և խրել վագրի աչքերի մեջ: Այն կդարձնի աղցանը ավելի կենդանի հայացքով:
Բարի ախորժակ:
Տեսանյութ
Նոր ամանորյա աղցան Ցլիկ
