Տոնական սեղանին մատուցեք թեմատիկ Ամանորյա աղցան Ջրային նապաստակ, որն անշուշտ կզարմացնի բոլոր հյուրերին։
Այս ամանորյա ճաշատեսակի համն ավելի ինտենսիվ դարձնելու համար փորձեք թարմ վարունգի փոխարեն ավելացնել թթու վարունգ։ Կարելի է նաև սոխը նախապես մարինացնել շաքարով, աղով և քացախով և միայն դրանից հետո լցնել աղցանի մեջ։ Արդյունքում դուք կստանաք յուրահատուկ համով համեղ խորտիկ։
Ամանորյա աղցան Ջրային նապաստակ. Բաղադրիչներ
_ Խոզապուխտ 350 գ
_ Բրինձ 1 բաժակ
_ Վարունգ 1 հատ
_ Սոխ 1 հատ
_ Աղ ըստ ճաշակի
_ Սև պղպեղ (աղացած) ըստ ճաշակի
_ Պահածոյացված եգիպտացորեն 150 գ
_ Կոշտ պանիր 350 գ
_ Սամիթ 1 փունջ
_ Մայոնեզ 3 ճաշի գդալ
_ Ձիթապտուղ ըստ ճաշակի
Ամանորյա աղցան Ջրային նապաստակ. Խոհարարություն
_ Վարունգը լավ լվանալ, մաքրել սոխը։ Բանջարեղենը և 200 գ խոզապուխտը կտրատել փոքր խորանարդիկներով։
_ Պինդ եփած ձուն քերել քերիչով։ Սամիթը լվանալ և մանր կտրատել։ Խառնել բոլոր պատրաստված բաղադրիչները։
_ Ավելացնել 1 բբաժակ խաշած բրինձ, աղ և պղպեղ անել, ավելացնել պահածոյացված եգիպտացորեն և մայոնեզ: Ամեն ինչ մանրակրկիտ խառնել:
_ Աղցանը դնել մեծ ափսեի մեջ։ Դրանից նապաստակ ձևավորել։
_ Պանիրը քերել, ցանել աղցանի վրա՝ թեթևակի սեղմելով։
_ Մնացած խոզապուխտը զարդարելու համար կտրատել, դրանից ծաղիկներ պատրաստել: Դրանք դնել աղցանի վրա:
_ Խոզապուխտից և պանրից ականջների համար կտրել կտորներ՝ առնվազն 6 մմ հաստությամբ: Դրանց մեջ խրել ատամի չոփիկ։
_ Վերջում իմպրովիզացված ականջները մտցնել աղցանի մեջ։
_ Ձիթապտուղները կտրատել և աչքեր պատրաստել։
_ Խոզապուխտից կտրած փոքրիկ եռանկյունին դնել որպես նապաստակի քիթիկ։
Նապաստակը կարելի է զարդարել ծաղիկներով: Դրանք պատրաստելու համար ձեզ հարկավոր են նույն բաղադրիչները՝ խոզապուխտ, պանիր, ձիթապտուղ և սամիթ: Կարող եք նաև թարմ մաղադանոս դնել ափսեի մեջ, իսկ վրան դնել վարունգից կտրված աստղեր։
Շատ գեղեցիկ կստացվի:
Բարի ախորժակ:
Տեսանյութ
Ամանորյա աղցաններ
