Տոնական օրերի համար պատրաստեք Ամանորյա աղցան Ձմեռային այգի: Այն շատ հարմար է որպես թեթև ու հագեցնող նախուտեստ, որը կարող է օգնել, երբ շատ եք հոգնել ծանր յուղալի ու մսեղենով հագեցած կերակուրներից:
Աղցանները երկար ժամանակ է, որ մտել են մեր առօրյա կյանք և շատ լավ է, որ կարող ենք վայելել արդիականացված համեղ աղցաններ։
Ամանորյա աղցան Ձմեռային այգի. Բաղադրիչները
_ ապխտած հավ — 0,5 հատ
_ մայոնեզ — 100 գ
_ հավի ձու — 4 հատ
_ պանիր — 100 գ
_ սալորաչիր — 40 գ
_ վարունգ — 1 հատ
_ պահածոյացված եգիպտացորեն — 100 գ
Ամանորյա աղցան Ձմեռային այգի. Պատրաստման եղանակը
_ Պինդ խաշել ձվերը, սառը ջրում սառեցնել և մաքրել կեղևը։
_ Ձվերը միջին քերիչով մանրացնել, վարունգը մանր բարակ շերտերով կտրատել։
_ Սալորաչիրը նախապես 10 րոպե թրջել եռման ջրի մեջ, չորացնել և կտրատել փոքր խորանարդիկներով։
_ Պանիրը մանր քերիչով մանրացնել, ապխտած հավի միսը մանր կտրատել։
_ Միսը և սալորաչիրը խառնել տարայի մեջ, ավելացնել մի երկու ճաշի գդալ մայոնեզ և խառնել։
_ Տափակ ափսեի վրա դնել սալորաչրի և հավի մի շերտ, ծածկել ձվի զանգվածի կեսով։
_ Աղցանի յուրաքանչյուր շերտին քսել մեկ գդալ մայոնեզ։
_ Պահածոյացված եգիպտացորենը լցնել ձվի շերտի վրա, հարթեցնել մակերեսը։
_ Եգիպտացորենի վրա վարունգի շերտեր դնել, ապա ավելացնել կտրատած ձվերի երկրորդ մասը։
_ Աղցանը առատորեն շաղ տալ պանրով և մակերեսը և կողքերը յուղել մայոնեզով:
Մնում է միայն զարդարել աղցանը կաղամբի տերևներով և վարունգով։
Այս ուտեստը կարող եք զարդարել ըստ ցանկության՝ հիմնվելով ձեր երևակայության վրա։
Բարի ախորժակ:
