Այս շատ համեղ, ամենօրյա աղցան պատրաստելու համար անհրաժեշտ է մթերքների ամենապարզ հավաքածու՝ հավի միս, ձու, սոխ և լոլիկ:
Ամեն ինչ պարզ է և հեշտ, անպայման օգտվեք այս բաղադրատոմսից, երբ շատ քիչ ժամանակ ունեք ընթրիք պատրաստելու համար:
Ամենօրյա աղցան. Անհրաժեշտ բաղադրիչները
_Հավի կրծքամիս 300 գր
_Ձու 3 հատ
_Լոլիկ 2 հատ
_Սոխ 1 հատ
_Շաքարավազ 1 ճաշի գդալ
_Աղ և պղպեղ՝ ըստ ճաշակի
_Քացախ 2 ճաշի գդալ
_Մայոնեզ՝ ըստ ճաշակի
Պատրաստման եղանակը
_Միսը եփել և մանր կտրատել։
_Սոխը կտրատել բարակ կիսաօղակներով և մարինացնել քացախի, շաքարավազի մեջ։ Թողնել 15 րոպե, ապա քամել։
_Ձվերը կտրատել խորանարդներով։
_Լոլիկը ևս խորանարդներով կտրատել։
_Բոլոր բաղադրիչները խառնել, համեմել մայոնեզով, աղ ու պղպեղով։ Եթե չեք ուզում, կարող եք շաքարավազ չավելացնել:
Հուշում. աղցանի լոլիկի միջից հանեք սերմերը և ընտրեք լոլիկի խիտ տեսակներ։ Դուք կարող եք մատուցելիս թարմ կանաչիներ ցանել աղցանի վրա:
Բարի ախորժակ:
Տեսանյութ
Հավի կրծքամսով աղցան
