Այծի պանրով աղցան. Օրիգինալ, անսովոր համով, անուշաբույր նախուտեստ

Այծի պանրով աղցան պատրաստեք, որպեսզի հյուրասիրության սեղանին մատուցեք նրբահամ նախուտեստ:

Այս բաղադրատոմսով պատրաստելը ձեզանից շատ ջանք չի պահանջի:

Այծի պանրով աղցան. Անհրաժեշտ բաղադրիչները

Սոուսի համար

_Խաղողի կորիզի յուղ 190 մլ

_Վանիլի պատիճ 1 հատ

Աղցանի համար

_Քնջութի սերմեր 25 գր

_Ընկույզ 150 գր

_Այծի պանիր 200 գր

_Նարինջ 1 հատ

_Սալաթի խառնուրդ 200 գր

_Աղ, թարմ աղացած, սև պղպեղ՝ ըստ ճաշակի

Այծի պանրով աղցան. Պատրաստման եղանակը

_Պատրաստել աղցանի սոուսը. Տարայի մեջ ձեթ լցնել, վանիլի պատիճը երկայնքով, մեջտեղից կտրել, սուր դանակի ծայրով քերել սերմերը։

_Տաքացնել ձեթը մարմանդ կրակի վրա, մինչև անուշ բույր տարածվի (չեռացնել) և կաթսան վերցնել կրակից։ Թողնել սառչի 1-2 ժամ։

_Չոր տապակի մեջ թեթև բովել քնջութի սերմերը՝ երբեմն թափահարելով։ Ընկույզները դանակով մանր կտրատել, լցնել քնջութի սերմերի վրա:

_Այծի պանիրը կտրատել մեծ շերտերով։ Դրանք երկու կողմից թաթախեք քնջութի և ընկույզի խառնուրդի մեջ։

_Նարինջը մաքրել և կտրատել, հեռացնել թաղանթները յուրաքանչյուր կտորից:

_Սալաթի խառնուրդին ավելացնել վանիլային սոուսը, խառնել և շարել ափսեների վրա։ Ավելացնել պանրի և նարնջի կտորները:

Համեմել աղով և պղպեղով ըստ ճաշակի և կարելի է մատուցել։

Բարի ախորժակ:

Տեսանյութ

Ամանորյա թեթև աղցան կանաչ լոլիկով