Սնկով, ապխտած մսով աղցանը պատրաստվում է արագ և պարզ, իսկ արդյունքը պարզապես զարմանալի է։
Իսկ եթե ավելացնեք ապխտած հավի միս, ապա ուտեստը կդառնա իսկական հաճույք գուրմանների համար։
Ապխտած մսով աղցան. Անհրաժեշտ բաղադրիչները
_Մարինացված շամպինիոններ 1 բանկա
_Սոխ 1-2 հատ
_Ապխտած հավի կրծքամիս 1 հատ
Մարինադի համար
_Ջուր 100 մլ
_Սեղանի քացախ 1 ճաշի գդալ
_Շաքարավազ 1 թեյի գդալ
Ապխտած մսով աղցան. Պատրաստման եղանակը
_Սոխը կտրատել բարակ կիսաօղակներով և մարինացնել ջրի, քացախի և շաքարավազի խառնուրդի մեջ։
_Թողնել մարինացվի 30 րոպե՝ երբեմն խառնել։
_Սունկը և հավը կտրատել կտորներով։
_Սոխը քամել և մի փոքր սեղմել։
_Սունկը, միսն ու սոխը խառնել, համեմել մայոնեզով և պղպեղով։
Ճաշատեսակը, չնայած իր պարզությանը և մթերքների նվազագույն բաղադրությանը, հիանալի է տոնական սեղանի համար, այն կարելի է դնել առանձին ամանների մեջ և մատուցել բաժիններով:
Եթե չկան պատրաստի թթու շամպինիոններ, ապա պատրաստեք ինքներդ։
Ընտրեք փոքր սունկեր, որպեսզի դրանք պինդ ու խրթխրթան լինեն: Լցնել կաթսայի մեջ, ավելացնել մի քիչ ջուր, բուսայուղ, լցնել 0,5-ական թեյի գդալ աղ, շաքարավազ և պղպեղ, լցնել 2 ճածի գդալ քացախ և եփել 10 րոպե, եռալուց հետո։
Թողնել սառչի և կտրատել աղցանի մեջ, եթե շատ փոքր են սունկերը, կարող եք չկտրատել, այդպես դրանց համն ավելի պայծառ կլինի:
Բարի ախորժակ:
Տեսանյութ
Տոնական շքեղ աղցան