Նույնիսկ ամենասովորական և պարզ բանջարեղենային Առողջ աղցանը կարելի է պատրաստել այնպես, որ բոլորին դուր գա նրա օրիգինալ համը և վառ բուրմունքը:
Առողջ աղցան. Անհրաժեշտ բաղադրիչները
_Լոլիկ 2 հատ
_Քաղցր պղպեղ 1 հատ
_Վարունգ 1 հատ
_Սոխ 1 հատ
_Կանաչի՝ ըստ ճաշակի
_Սխտոր 2 պճեղ
_Ընկույզ 80 գր
_Խնձորի քացախ 2 ճաշի գդալ
_Բուսական յուղ 3 ճաշի գդալ
_Աղ, պղպեղ, համեմունքներ՝ ըստ ճաշակի
_Անուշաբույր կանաչիներ՝ ըստ ճաշակի
Առողջ աղցան. Պատրաստման եղանակը
_Ընտրել ամուր լոլիկներ, եթե գերհասունացած է, ապա կտրել մեջտեղից, հյութալի միջուկը թեյի գդալով հանել, նոր կտրատել։
_Վարունգը և քաղցր պղպեղը կտրատել ըստ ցանկության և ավելացնել լոլիկի վրա։
_Կտրել սոխը բարակ կիսաօղակներով և խառնել մնացած բանջարեղենի հետ։
_Սխտորը, կանաչիներն ու ընկույզը բլենդերով մանրացնել, խառնել քացախի և բուսայուղի հետ։
_Համեմել աղցանն այս սոուսով, աղով և պղպեղով, ավելացնել համեմունքները և անուշաբույր կանաչիները՝ ըստ ճաշակի:
_Ծածկել ուտեստը և մի երկու ժամով դնել սառնարանը, որպեսզի մարինացվի և սառչի։
Այս աղցանը հիանալի համադրվում է տարբեր կողմնակի ուտեստների հետ։
Ընկույզները կարելի է տապակել չոր տապակի մեջ, սառելուց հետո, մանր կտրատել:
Բարի ախորժակ:
Տեսանյութ
Թարմ կաղամբով աղցան