Այս արագ ապուրը կարելի է եփել կես ժամում։ Մնում է միայն կտրել անհրաժեշտ բանջարեղենը, այնուհետև տապակել աղացած միսը և ջուր լցնել։ 20 րոպե անց սննդարար ուտեստն արդեն կարելի է մատուցել սեղանի շուրջ:
Այս ապուրը հարմար է նաև այն իմաստով, որ այն պատրաստելու համար անհրաժեշտ է միայն մեկ կաթսա։ Պարտադիր չէ նույնիսկ առանձին թավայում պատրաստել սոխեռածը: Արդյունքում կունենաք քիչ լվանալու ամաններ, ինչն անշուշտ կուրախացնի զբաղված տանտիրուհիներին։
Արագ ապուր ծույլ կոլոլակներով. Անհրաժեշտ բաղադրիչներ
_Խոզի միս 300 գ
_Սոխ 1 հատ
_Կարտոֆիլ 3 հատ
_Գազար 2 հատ
_Ջուր 2 լ
_Բարակ վերմիշել՝ ըստ ճաշակի
_Մաղադանոս՝ ըստ ճաշակի
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Արևածաղկի ձեթ 3 ճաշի գդալ
Արագ ապուր ծույլ կոլոլակներով. Պատրաստման եղանակը
_Գազարը կտրատել փոքր խորանարդիկներով, իսկ կարտոֆիլը՝ մանր ձողիկներով։
_Սոխն ու սխտորը մանր կտրատել։ Տապակել դրանք կաթսայում արևածաղկի ձեթով, մինչև ոսկեգույն դառնալը։
_Սոխին ավելացնել կտրատած գազարը։ Տապակել ևս 3-4 րոպե։
_Իսկ հետո ավելացնել խոզի աղացած միսը և եփել միջին ջերմության վրա, մինչև մսի գույնը փոխվի՝ երբեմն խառնելով։ Աղ և պղպեղ անել:
_Այնուհետև ավելացնել ջուրը և արգանակը հասցնել եռման աստիճանի։ Ստացված փրփուրը հեռացնել։
_Համեմել ըստ ճաշակի աղով և աղացած սև պղպեղով։
_7-8 րոպե հետո ավելացնել մանր կտրատած կարտոֆիլը։
_Եվս 10 րոպե հետո ավելացնել վերմիշելը։
_Մաղադանոսը մանր կտրատել։ Այն ավելացրեք ապուրի մեջ, երբ վերմիշելը պատրաստ լինի։
_Ապուրը եփել ևս 2 րոպե և հեռացնել կրակից։
_Պատրաստի ապուրը ծածկել կափարիչով: Թող մնա, թրմվի 10 րոպե։ Արդեն կարող եք մատուցել այն։
Արագ ապուրն անկասկած, հաճելի կլինի ձեր ամբողջ ընտանիքին:
Բարի ախորժակ:
Տեսանյութ
Պատրաստենք համեղ ապուրներ
