Արագ Ընթրիք. Այսօր աշխարհի ամենաարագ և համեղ ընթրիքը կպատրաստենք հաշված րոպեների ընթացքում։ Աշխատանքային ծանր օրվա վերջում խոհանոցում երկար չկանգնելու հրաշալի տարբերակ։
Содержание
Արագ Ընթրիք. Անհրաժեշտ Բաղադրիչներ
- Հնդկաձավար — 500 գր․
- Կոտլետներ սառցախցիկից — 3 հատ
- Լոլիկ չերի — 3 հատ
- Կարագ — 100 գր․
- Տոմատի մածուկ — 70 գր․
- Գոլ ջուր — 2 բաժակ
- Հալվող պանիր — 100 գր․
Արագ Ընթրիք. Պատրաստման եղանակը
- Ջեռոցի համար նախատեսված տարայի մեջ մի փոքր ձիթայուղ լցնենք
- Նախապես լվացած, մի փոքր ջրի մեջ թողած՝ ապա ջրքամած հնդկաձավարը լցնենք այս տարայի մեջ
- Վրան աղ և պղպեղ ցանենք
- Խառնենք
- Սպիտակուցային բաղադրիչը ապահովելու համար մսի կոտլետներ շարենք սառցախցիկից հանված
- Աշխատող կանանց համար նման տնական կիսաֆաբրիկատներ սառցախցիկում ունենալը ուղղակի փրկություն է
- Մի քանի մանր լոլիկ շարենք
- Տոմատի մածուկը գոլ կամ կարելի է և տաք ջրով բացենք, մոտ երկու բաժակ, աղ և պղպեղ անենք և լցնենք հնդկաձավարի վրա
- Կարագ դնենք մի քանի կտոր վրայից
- Փայլաթիթեղով ծածկենք և դնենք ջեռոցը, իսկ այդ ընթացքում քերիչով անցկացնենք հալվող պանիր
- Մոտ 20 րոպեից հանենք ջեռոցից, փայլաթիթեղը հեռացնենք, վրան քերած պանիրը առատորեն լցնենք և կրկին ուղարկենք ջեռոցը, մինչև պանիրը կհալվի և կկարմրի, մոտ 10 րոպեից պատրաստ է
- Արագ ընթրիք առանց մեծ ջանքերի
- Արդեն տան անդամներին սեղանի շուրջ կանչելու ճիշտ ժամանակն է
Աշխարհի Ամենաարագ և համեղ ընթրիքը Հաշված րոպեների ընթացքում․ Ջեռեփուկ Տեսանյութ
Դե ինչ, բարի ախորժակ։