Որպես արագ խորտիկ վաղուց է օգտագործվում ձկնկիթը:
Հին Եգիպտոսում ձկան խավիարը չէր համարվում հեղինակավոր մթերք։ Այն ուտում էին նույնիսկ ձկնորսներն ու որսորդները։ Խավիարը հազվադեպ էր լինում փարավոնի սեղանին, քանի որ նրանք նախընտրում էին ավելի հետաքրքիր ուտեստներ ուտել:
Միայն 19-րդ դարում խավիարը դարձավ էլիտար և թանկարժեք մի բան։ Մինչ այդ ձկան թափոնները տապակում էին, աղ դնում ու մատուցում հացահատիկային և այլ կողմնակի ուտեստների հետ։ Հետագայում ոչ թե կարմիր կամ սև, այլ սաթի նման գայլաձկան խավիարն էր թանկ համարվում։
Այժմ բավական մատչելի է ամեն ինչ, այնպես որ առաջարկում եմ ձկնկիթով խորտիկ պատրաստելու եղանակ:
Արագ խորտիկ. Բաղադրիչները
_ ծովատառեխի միս — 500 գ
_ կապելինի խավիար (икра мойвы) — 1 տուփ
_ հալած պանիր — 4 հատ
_ գազար — 4 հատ
_ կարագ — 400 գ
Արագ խորտիկ. Պատրաստման եղանակը
_ Նախապես մաքրած գազարը եփել մինչև փափկի և թողնել սառչի:
_ Գազարը մանրացնել մսաղացով, նույնը անում ենք ծովատառեխի մսի հետ։
_ Կարագը, որը նախապես սառեցվել է սառցախցիկում, նույնպես անցկացնել մսաղացի մանր անցքերով։ Նույնն անել պանրի հետ:
_ Բոլոր աղացած բաղադրիչները խառնել մեկ տարայի մեջ, բացի գազարից։ Զանգվածին ավելացնել խավիարը և մանրակրկիտ խառնել բաղադրիչները։
_ Խառնուրդի մեջ ավելացնել գազարն ու նորից խառնել։
Մնում է միայն քսուքը դնել տարտալետի կամ հացի շերտի վրա:
Նախուտեստը կարող եք զարդարել կանաչիներով և ձիթապտուղներով։
Բարի ախորժակ: