Բուլղարական սոուս. Բուլղարական պղպեղից պատրաստված համեղ և նուրբ սոուս: Դրա համն ու բույրը հիանալի կերպով կհամալրեն ցանկացած ուտեստ և կդարձնեն աներևակայելի համեղ:
Այս սոուսը լավ համադրվում է մակարոնեղենի, մսի, ձկնեղենի հետ: Այս պահածոն կարող է նաև հաջողությամբ ավելացվել բորշչին: Ստացվում է շատ նուրբ, համեղ, բավարար կծվությամբ ապուր:
Բուլղարական սոուս. Անհրաժեշտ բաղադրիչները.
_Բուլղարական պղպեղ 3 կգ
_Կծու պղպեղ 1-2 հատ
_Սխտոր 2 գլուխ
_Շաքար 100 գ
_Քացախ 6% 50 մլ
_Աղ 1 լիքը ճաշի գդալ
_Խմելի սունելի 1 ճաշի գդալ
_Բուսական յուղ 70 մլ
_Համեմունքներ ըստ ձեր ճաշակի և նախընտրության
_Կանաչեղեն
Բուլղարական սոուս. Պատրաստման եղանակը, քայլ առ քայլ
_Ընտրել առողջ պղպեղներ, մաքրել դրանց պոչերը, սերմերը հեռացնում ենք միայն բուլղարական պղպեղից, կծու պղպեղի դեպքում որոշեք ինքներդ` հեռացնել, թե ոչ: Մաքրած ու լվացած պղպեղն անցկացնել մսաղացով, այնուհետև կծու պղպեղն ու սխտորը նույնպես պետք է աղալ մսաղացով:
_Աղացած բանջարեղենին ավելացնել շաքար, աղ, խմելի սունելի, լցնել բուսական յուղն այդ խառնուրդի մեջ, խառնել և դնել կրակի վրա: Հասցնել եռման, եռացնելուց հետո եփել կես ժամ, երբեմն խառնելով:
_Դրանից հետո կաթսան պետք է հանել վառարանից, լցնել քացախը, նորից խառնել:
_Դեռևս տաք սոուսը պետք է լցնել նախապես մանրէազերծված բանկաների մեջ: Կափարիչներով ամուր փակել և սառելուց հետո պահել սենյակային ջերմաստիճանում:
Սոուսը խիտ է, հագեցած համով և շատ բուրավետ: Որպես մսի, ձկան կամ նույնիսկ պարզապես հացի վրա քսելու հավելում ՝ այն խելահեղորեն համեղ է:
Բուլղարական սոուսը պատրաստ է:
Բարի ախորժակ:
