Գազարով աղցան. Դիետիկ և վիտամինային ուտեստը կօգնի որ ճարպը հալվի գարնան գալու հետ

Պատրաստենք գազարով աղցան, որովհետև ժամանակն է նիհարել:

Մինչև գարնան գալը, մեզանից շատերը փորձում են գտնել ճիշտ ճանապարհը դեպի իդեալական կազմվածք՝ իրենց ավելի վստահ ու գեղեցիկ զգալու համար: Համաձայն եմ, ոչ ոքի պետք չեն ջինսեր, որոնք մի քանի չափի են փոքրացել, կամ կլորացած ու ուռուցիկ կոնքեր են ձևավորվել:

Գազարը պարունակում է շատ վիտամիններ, մանրաթել և կարոտին, ինչը օգտակար է մաշկի և մազերի համար: Եվ կաթնաշոռի մեջ պարունակվող կալցիումի և ֆոսֆորի շնորհիվ ոսկորներն ամրանում են: Խառնեք դրանք իրար՝ ցածր կալորիականությամբ և համեղ աղցան ստանալու համար, որը կարող է փոխարինել մի ամբողջ ընթրիքի կամ մարզումից հետո քաղցը հագեցնելու հարմար նախուտեստի:

Գազարով աղցան. Անհրաժեշտ բաղադրիչները

_Գազար 150 գ

_Կաթնաշոռ 150 գ

_Կանաչիներ 20 գ

_Կանաչ սոխ՝ ըստ ճաշակի

_Ձիթապտղի յուղ 1 ճաշի գդալ

_Աղ` ըստ ճաշակի

Գազարով աղցան. Պատրաստման եղանակը

_Մաքրել գազարը և քերել այնքան բարակ, որքան հնարավոր է:

_Կաթնաշոռը դնել աղցանի ամանի մեջ և պատառաքաղով տրորել այնպես, որ գնդիկներ չլինեն:

_Կաթնաշոռը խառնել գազարի հետ, ավելացնել կտրատած կանաչիներ, սոխ և ձիթապտղի յուղ:

_Համեմել աղով և պղպեղով` ըստ ճաշակի:

Թարմ գազարից և կաթնաշոռից պատրաստված այս համեղ աղցանին կարելի է խառնել նաև մածուն, որն ավել թեթև կդարձնի համը:

Ձիթապտղի յուղի փոխարեն կարելի է օգտագործել նաև կտավատի սերմերի, քնջութի կամ ընկույզի յուղ:

Վայելեք այս թեթև ուտեստը և հիշեք, որ նույնիսկ դիետիկ սնունդը պետք է հաճելի լինի:

Գազարով աղցանը պատրաստ է:

Բարի ախորժակ:

Տեսանյութ

Կորեական աղցան գազարով և դդմիկով