Գազարով աղցան. Առողջ ու հագեցնող նուրբ ուտեստ

Սա ամենահին գազարով  աղցաններից է:

Խորհրդային տարիներին, երբ սննդամթերքի տոտալ պակաս կար, այս աղցանը միշտ պատրաստում էին և տոներին, և ամեն օրվա համար։ Աղցանը առողջարար է, բուրավետ, կծու և դյուրամարս:

Գազարով աղցան. Անհրաժեշտ բաղադրիչները

_Գազար 500 գր

_Պանիր 50 գր

_Ձու 3 հատ

_Հալած պանիր 1 հատ

_Աղ, պղպեղ՝ ըստ ճաշակի

_Մայոնեզ՝ ըստ ճաշակի

_Սխտոր 3 պճեղ կամ ըստ ճաշակի

Գազարով աղցան. Պատրաստման եղանակը

_Քերել հում գազարը խոշոր կամ մանր քերիչով։

_Ձուն, պանիրը և հալած պանիրը նույնպես քերել քերիչով։

Հուշում. Եթե ցանկանում եք, կարող եք ձվերը խորանարդներով կտրատել:

_Քերել սխտորը մանր քերիչով։

_Բոլոր մթերքները խառնել, համեմել մայոնեզով, անհրաժեշտության դեպքում ավելացնել աղ ու պղպեղ։

_Ծածկել աղցանը և դնել սառնարանը 1-2 ժամով, որպեսզի այն թրմվի և սառչի։

_Ես այս աղցանն օգտագործում եմ նաև որպես տարտլետների լցոնիչ կամ սենդվիչների համար, այն նաև հիանալի է տարբեր խորտիկների համար:

Բարի ախորժակ:

Տեսանյութ

Կորեական աղցան գազարով