Գեղեցիկ աղցան. Անուշաբույր և հագեցնող ուտեստը կզարդարի ձեր սեղանը

Այսօր առաջարկում ենք պատրաստել Առաջին ձյուն անվամբ այսպիսի գեղեցիկ աղցան: Այն ունի ոչ միայն օրիգինալ անվանում, այլ նաև հաճելի համ։ Աննկարագրելի է, թե որքան նուրբ, հագեցնող և բուրավետ է այն։

Գերազանց տարբերակ է տոնական սեղանին մատուցելու համար։

Գեղեցիկ աղցան. Անհրաժեշտ բաղադրիչները

_Սոխ 1 հատ

_Եփած կարտոֆիլ 2-3 հատ

_Խոզապուխտ կամ հավի փափկամիս 150 գր

_Ձու 4 հատ

_Պանիր 100 գր

_Մայոնեզ՝ շերտերի համար

_Աղ՝ ըստ ճաշակի

_Պղպեղ՝ ըստ ճաշակի

_Մուգ քնջութ — 1 թեյի գդալ

Մարինադ սոխի համար

_Աղ 0,5 թեյի գդալ

_Շաքարավազ 2 թեյի գդալ

_Քացախ 9% 1 ճաշի գդալ

_Ջուր

Գեղեցիկ աղցան. Պատրաստման եղանակը

_Սոխը կտրատել բարակ շերտերով։

_Տեղափոխել ամանի մեջ, ավելացնել աղ, շաքարավազ, լցնել քացախը, եռման ջուրը, այնքան որ ծածկվի խառնել և թողնել, որ մարինացվի։

_Մատուցման համար նախատեսված ափսեի վրա քսել մայոնեզ, առաջին շերտով շարել  խոշոր քերիչով քերած կարտոֆիլը, թեթև աղ և պղպեղ անել։

_Քսել մայոնեզ, ապա դասավորել միսը, որը պետք է կտրատել խորանարդներով։ Դնել կարտոֆիլի վրա և մի քիչ մայոնեզ քսել։

_Այժմ լցնել մարինացված սոխը, ձվերի սպիտակուցները և դեղնուցները բաժանել:

_Պատառաքաղով տրորել դեղնուցը, ավելացնել մայոնեզը, մանանեխը, խառնել։

_Պատրաստի խառնուրդը քսել հաջորդ շերտով։ Պանիրը քերել միջին քերիչով, լցնել դեղնուցների վրա, ընդհանուրը ծածկել մայոնեզով։

_Վերջին շերտով լցնել խոշոր քերիչով քերած սպիտակուցները և զարդարել քնջութով։

Առաջին ձյուն աղցանը հագեցնող է և շատ նուրբ։ Բոլոր հյուրերը հիացած կլինեն այս ուտեստով։

Բարի ախորժակ:

Տեսանյութ

Հավի կրծքամսով աղցան