Գրիսինի սխտորով. Ավանդական իտալական հացիկներ, որոնք կարող են հաճելի պահեր պատճառել ձեզ, իրենց տեսքով, համով և բազմազանությամբ:
Կողային ուտեստն այն է, ինչը մեծացնում է ուտեստի սննդային արժեքը, բերում բազմազանություն և զարդարում այն: Ավանդական իտալական ձողիկներ, գրիսինիները փայլուն կերպով կատարում են բոլոր երեք գործառույթները միաժամանակ:
Թվում էր, թե սովորական հացի ձողիկներ են, բայց դրանցից հագենալ հնարավոր չէ: Բուրավետ, դրսից փափուկ և փխրուն` ներսից, սխտորա- սերուցքային գլազուրով: Հարմար է դրանք պատրաստել մեծ խմբաքանակներով, այնպես որ այն հերիքի մի քանի օր և հավատացեք ինձ, որ դրանց հետ դուք կմոռանաք ձեռք բերված սպիտակ հացի մասին:
Տվյալ բաղադրատոմսում սխտորի փոշին կարելի է փոխարինել թարմ սխտորով:
Գրիսինի սխտորով. Բաղադրությունը
_Ցորենի ալյուր 500 գ
_Ջուր 280 մլ
_Չոր խմորիչ 1,5 թեյի գդալ
_Շաքարավազ 2 ճաշի գդալ
_Աղ 2 թեյի գդալ
_Սխտոր փոշի 0,5 գդալ
_Բուսական յուղ կամ կարագ 6 ճաշի գդալ
_Իտալական համեմունքներ 0,5 թեյի գդալ
Գրիսինի սխտորով. Պատրաստման եղանակը
_Խառնել տաք ջուր, խմորիչ, շաքար, 3 ճաշի գդալ փափկացրած կարագը և կես թեյի գդալ աղը խորը ամանի մեջ: Ստացվում է առաձգական խմոր, ավելացնելով մի քիչ ալյուր, հունցել այն մոտ 7 րոպե:
_Խմորը դնել յուղված ամանի մեջ և ծածկել սրբիչով: Թող այն մեկ կամ երկու ժամ մնա:
_Երբ բարձրանա, բաժանել այն փոքր գնդակների: Բաղադրիչների այս քանակը բավարար է 12 հացի ձողիկների համար: Խմորի կտորներին տալ երկարավուն ձև, դնել յուղված տապակի վրա և ծածկել թաղանթով, որպեսզի խմորը մի փոքր բարձրանա (դա կտևի մոտ 40 րոպե):
_Այնուհետև ձողիկերը դրեք նախապես մինչև 200 աստիճան տաքացված ջեռոցում 12 րոպե մինչև ոսկե դարչնագույնը: Այս ընթացքում պատրաստել յուղալի քսուքը. Հալված կարագը (3 ճաշի գդալ) խառնել իտալական համեմունքների, սխտորի փոշու և կես թեյի գդալ աղի հետ:
Քսեք տաք ձողիկներին կծու քսուքը և մատուցեք:
Գրիսինի սխտորով պատրաստ է: Այն կարելի է օգտագործել ամենուրեք՝ որպես համեղ խորտիկ, աղցանի չորահացի փոխարեն և նույնիսկ որպես հաց: Հուսով ենք, որ ձեզ դուր կգա այս պարզ բաղադրատոմսը, և կփորձեք բոլոր հնարավոր համադրությունները:
Բարի ախորժակ:
Տեսանյութ
Ֆիթնես հաց
