Դդմապուր մոցարելլայով. Տոնական ուտեստներից հետո լավագույն անցումը թեթև կերակուրի

Առաջարկում եմ փորձել տաք Դդմապուր մոցարելլայով: Այս ապուրը թանձր է, անուշաբույր և հագեցնող։ Մեկ-երկու պտղունց կարրին դրան հետաքրքիր համ կավելացնի:

Նախ պետք է եփել միսը արգանակի համար, ես սովորաբար նման ապուրների համար օգտագործում եմ հավի միս։ Պատրաստի տաք արգանակի մեջ լցնել կարտոֆիլը, բրինձը, տապակած բանջարեղենը և եփել համեմունքներով և սխտորով մինչև փափկի: Տաք ապուրը ձեռքի բլենդերով հարեք։

Դդմապուր մոցարելլայով. Անհրաժեշտ բաղադրիչները

_Հավի արգանակ — 1-1,5 լիտր

_Դդում — 300 գրամ

_Կարտոֆիլ — 3 հատ

_Գազար — 1 հատ

_Սոխ — 2-3 հատ

_Սխտոր — 1-2 պճեղ

_Կլոր բրինձ — 50 գրամ

_Աղ – ըստ ճաշակի

_Կարրի – ըստ ճաշակի

_Բուսական յուղ — 2-3 ճաշի գդալ

_Մոցարելլա — 60-80 գրամ

_Կանաչի – ըստ ճաշակի

Դդմապուր մոցարելլայով. Պատրաստման եղանակը

_Հավի արգանակը դնել կրակի վրա, հասցնել եռման աստիճանի։

_Սոխն ու գազարը մաքրել, ոչ շատ խոշոր կտրատել, տապակել ձեթի մեջ, մինչև ոսկե դարչնագույնը։

_Կարտոֆիլը մաքրել, կտրատել շերտերով: Լցնել արգանակի մեջ, ավելացնել լվացված և մաքրած բրինձը և եփել:

_Դդմի կեղևն ու սերմերը հեռացնել, կտրել ներքին թելքավոր մասը։ Դդումը կտրատել շերտերով։

_Տապակած բանջարեղենի մեջ ավելացնել դդումը և մի քանի րոպե տապակել ամբողջը։ Վերջում դնել սխտորը, կարող եք չկտրատել, դնել ամբողջությամբ։

_Տապակած բանջարեղենը լցնել ապուրի մեջ, ավելացնել կարրի, և աղ։ Եփել մինչև ամեն ինչ պատրատ լինի, մոտ 20 րոպե:

_Պատրաստի ապուրը խյուսի աստիճան հարել ընկղմվող բլենդերով։

_Ապուրը լցնել ամանների մեջ, ավելացնել մոցարելլան, կանաչիները և բոլորին հրավիրեք ճաշի:

Բարի ախորժակ։

Խորհուրդ. Կլոր բրինձը լավագույնն է նման ապուրների համար, այն արագ եփվում է և հեշտությամբ վերածվում է խյուսի:

Տեսանյութ

Ինչպես եփել դդումով ապուր