Ձմռան համար Դդմիկը լոլիկի հյութով պատրաստեք և չեք փոշմանի:
Աներևակայելի մեծ քանակությամբ բաղադրատոմսեր կան: Բայց այս խոհարարական հրահանգը հստակ առաջատարներից է, որովհետև դրա մեջ ամեն ինչ կատարյալ է՝ ամենասովորական բաղադրիչներ և առավելագույն համ:
Փակելով նման համեղության մի քանի բանկա՝ կարող եք ողջ տարին վայելել խրթխրթան բանջարեղենը։ Միայն անհրաժեշտ է նման բուրավետ դդմիկ ավելի շատ պատրաստել։
Այս խորտիկի համար անհրաժեշտ է լոլիկի խյուս: Այն կարելի է պատրաստել բլենդերի միջոցով։ Սա ամենաարագ և ամենահեշտ ճանապարհն է: Բայց կա ևս մեկ մեթոդ: Պետք է աղալ լոլիկը մսաղացով, իսկ հետո մաղով անցկացնել։ Ընտրեք այն մեթոդը, որն ավելի հարմար է թվում ձեզ։
Դդմիկը լոլիկի հյութով. Բաղադրիչներ
_Դդմիկ 1,5 կգ
_Լոլիկ 700 գ
_Սխտոր 1 հատ
_Աղ 1,5 ճաշի գդալ
_Շաքարավազ 4 ճաշի գդալ
_Արևածաղկի ձեթ 100 մլ
_Քացախ 3 ճաշի գդալ
Դդմիկը լոլիկի հյութով. Պատրաստման եղանակը
_Լոլիկը մանրակրկիտ լվանալ, կտրել դրանք պատահական կտորներով և լցնել բլենդերի մեջ։ Հարել, մինչև զանգվածը հարթվի:
_Պատրաստի լոլիկի խյուսը լցնել կաթսայի մեջ։ Ավելացնել աղ, շաքարավազ և արևածաղկի ձեթ։
_Սխտորն անցկացնել մամլիչով և ավելացնել լոլիկի զանգվածին։
_Կաթսան դնել վառարանի վրա։ Տոմատի խառնուրդը բերել եռման աստիճանի, երբեմն խառնելով:
_Դդմիկը լավ լվանալ և կտրատել շերտերով։ Լցնել կաթսայի մեջ։
_Թուլացնել կրակը, կափարիչով փակել կաթսան և դդմիկը եփել լոլիկի խյուսի մեջ 20-25 րոպե։
_Այնուհետև ավելացնել 9% քացախ: Խառնել և թողնել, որ դդմիկը եփվի ևս 2-3 րոպե։
_Տաք զանգվածը լցնել ստերիլիզացված բանկաների մեջ մինչև վերև և ամուր փակել կափարիչները:
_Շրջել դրանք գլխիվայր, փաթաթել սրբիչով ու թողնել մեկ օր։
Արդյունքում ստացվում է 4 կես լիտրանոց հյութեղ բանջարեղենի պահածո, որի կծվությունը ոչ մեկին անտարբեր չի թողնի։
Բարի ախորժակ:
