Շատ համեղ դդմիկի խավիար, որը ստացվում է ճիշտ այնպիսին, ինչ խանութներում էր վաճառվում խորհրդային ժամանակներում՝ թանձր, հարուստ, ախորժելի և լիովին բնական։
Դդմիկի խավիար. Անհրաժեշտ բաղադրիչները
_Դդմիկ 5 կգ
_Սոխ 1 կգ
_Գազար 1 կգ
_Տոմատի մածուկ 4 ճաշի գդալ
_Բուսական յուղ 350 — 400 մլ
_Շաքարավազ 200 գր
_Աղ 100 գր
_Քացախ՝ ցանկության դեպքում 10 մլ յուրաքանչյուր բանկայի համար
_Պղպեղ՝ ըստ ցանկության
Դդմիկի խավիար. Պատրաստման եղանակը
_Սոխը կտրատել խորանարդներով, քերել գազարը՝ խոշոր քերիչով կամ նույնպես դանակով կտրատել։
_Կտրել դդմիկը խորանարդներով և լցնել կաթսայի մեջ, ավելացնել բուսայուղը, եփել կափարիչով ծածկված, մինչև դդմիկը փափկի։
_Շոգեխաշել գազարը մինչև կիսաեփ լինի, ապա ավելացնել սոխը և եփել բանջարեղենը։
_Բանջարեղենի վրա լցնել տոմատի մածուկը, խառնել և եփել ևս 10 րոպե։
_Բանջարեղենն ու դդմիկը մանրացնել ընկղմվող բլենդերով։
_Դդմիկի զանգվածը խառնել բանջարեղենի հետ և կարելի է մի քիչ էլ բուսական յուղ ավելացնել, որպեսզի խավիարն ավելի հաճելի համ ստանա։
_Աստիճանաբար ավելացնել շաքարավազն ու աղը, պղպեղը, ավելի ճիշտ կլինի ըստ ճաշակի, պարտադիր չէ ճշգրիտ հետևել բաղադրատոմսին։
_Եփել մարմանդ կրակի վրա՝ 30-40 րոպե։
_Վերջում ավելացնել քացախը, եթե ցանկանաք։
_Խավիարը լցնել ստերիլիզացված և չոր բանկաների մեջ, փակել կափարիչներով:
_Տարաները շրջել, ծածկել սրբիչով և թողնել, որ սառչի։
Խավիարը պահել նկուղում, մառանում կամ պատշգամբում։
Բարի ախորժակ:
Տեսանյութ
Իմամ բայալդի