Այսօր քիչ մարդիկ են դդմիկի մարինադ պատրաստում, չնայած այն շատ համեղ է՝ թթու վարունգի համով և հարմար է կարտոֆիլի պյուրեի և կոտլետների հետ մատուցելու համար։
Դդմիկի մարինադ. Անհրաժեշտ բաղադրիչները
_Դդմիկ
_Սխտոր 3 պճեղ
_Գազար 3 օղակ
_Լոլիկ 1 հատ
_Սամիթ, ծովաբողկի արմատ և կտորներ
Մարինադի համար անհրաժեշտ է վերցնել
_Ջուր 3 լ
_Աղ 5 ճաշի գդալ
_Շաքարավազ 25 ճաշի գդալ
_Դափնու տերև, պղպեղի հատիկներ, բուրավետ պղպեղ՝ ըստ ճաշակի
_Քացախ 9% 500 մլ
Դդմիկի մարինադ. Պատրաստման եղանակը
_Մթերքների չափը 1 լիտրանոց բանկայի համար է:
_Կարող եք վերցնել դդմիկ, ինչպես երիտասարդ, այնպես էլ գերհասունացած, որը պետք է կտրատել բարակ շերտերով:
_Գազարը օղակներով կտրատել, սխտորի և լոլիկի կտորների հետ միասին լցնել բանկաների մեջ, ավելացնել ծովաբողկի արմատի կտորները, համեմունքները և կանաչիները։
_Ավելացնել նաև դդմիկի օղակները:
_Մարինադի համար ջրի մեջ խառնել աղն ու շաքարավազը, դափնու տերևը, պղպեղի հատիկները և բուրավետ պղպեղը, հասցնել եռման աստիճանի, եփել 3 րոպե։
_Ավելացնել քացախը, խառնել և եփել 2 րոպե։
_Լցնել տաք մարինադը բանկաների մեջ, ծածկել կափարիչներով:
_Բանկաները կաթսայի մեջ դնել սրբիչի վրա, տաք ջուրը լցնել, մինչև բանկաների ուսերը։
_Եռալու պահից 5 րոպե մանրէազերծել, կափարիչներով փակել ու շրջել բանկաները, ծածկել, թողնել մինչև սառչի։
Այսպիսի դդմիկով պահածոն կծու է, բուրավետ, աղի-քաղցր համով, շատ ախորժելի։
Բարի ախորժակ:
