Դդմիկով աղցանը հրաշալի խորտիկ է բոլոր ժամանակների համար, այն պատրաստվում է շատ պարզ և հեշտ։
Սա իսկական հաճույք է, իմ ընտանիքը շատ է սիրում այս աղցանը իր հետաքրքիր համի և անզուգական բույրի համար։
Դդմիկով աղցան. Անհրաժեշտ բաղադրիչները
_Երիտասարդ դդմիկ 2,5 կգ
_Սոխ 0,5 կգ
_Գազար 0,5 կգ
_Կարմիր պղպեղ 5 հատ
_Սխտոր 200 գր
_Մաղադանոս, սամիթ՝ ըստ ճաշակի
Մարինադ
_Բուսական յուղ 1 բաժակ
_Շաքարավազ 1 բաժակ
_Քացախ 9% 150 մլ
_Աղ 2 ճաշի գդալ
_Կորեական գազարի համար համեմունքների տուփ
Դդմիկով աղցան. Պատրաստման եղանակը
_Սկզբում կպատրաստել մարինադը, դրա համար խառնել բուսական յուղը, շաքարավազը, մեջը լցնել քացախը, ավելացնել աղ և կորեական գազարի համեմունքը:
_Ամեն ինչ մանրակրկիտ խառնել։
_Կորեական գազարի քերիչով քերել գազարը, օղակներով կտրատել երիտասարդ դդմիկը։
_Սոխն ու պղպեղը կտրատել միջին չափի շերտերով։ Հաջորդիվ ավելացնել ճզմիչով ճզմած սխտորը։
_Բանջարեղենի վրա լցնել պատրաստված մարինադը և ամեն ինչ խառնել։
_Թողնել մնա 3-4 ժամ, որպեսզի լավ մարինացվի։
_Երբ ժամանակն անցնի, խորտիկը շարել բանկաների մեջ և մանրէազերծել։
_1 լիտրանոց բանկաները պետք է ստերիլիզացնել 30 րոպե, իսկ կես լիտր տարաները 15 րոպե։
_Կափարիչներով փակելուց հետո շարել սառը տեղում։
Բարի ախորժակ:
Տեսանյութ
Դդմիիկով կոտլետ շատ հեշտ և համեղ
