Դդմիկով աղցան. Այժմ առաջարկում ենք փորձել պատրաստել համեղ և հասարակ աղցան որը ձմռանը հիանալի կողային ուտեստ կլինի

Դդմիկով աղցանը շատ համեղ է, անպայման փորձեք:

Բուսակերների համար հաճելի ուտեստներ պատրաստելու բաղադրատոմսերը պետք է ընտրել ուշադրությամբ: Դդմիկի նման օգտակար բանջարեղենով նոր ու համեղ նախուտեստներ և աղցաններ փորձեք:

Այժմ առաջարկում ենք փորձել, պատրաստել համեղ և հասարակ աղցան, որը ձմռանը հիանալի կողային ուտեստ կլինի: Չնայած հիմա էլ այն շատ հաճույքով կվայելեք:

Դդմիկով աղցան. Բաղադրությունը

_ջուր — 1 լիտր

_տոմատի մածուկ — 1 բաժակ

_դդմիկ (կարող եք վերցնել և երիտասարդ և արդեն լավ հասունացած պտուղներ) — 1 կգ

_աղ — 1 ճաշի գդալ

_բուլղարական քաղցր պղպեղ — 4 հատ

_սոխ — 9-10 հատ (միջին)

_բուսական յուղ — 1 բաժակ

_գազար — 4 հատ

_լոլիկ — 10 հատ (միջին)

_քացախ 9% — 9 ճաշի գդալ

Դդմիկով աղցան. Պատրաստման եղանակը քայլ առ քայլ

_Դդմիկները մաքրել սերմերից, իսկ եթե վերցրել եք երիտասարդ պտուղներ, ապա դրա կարիքը չի լինի: Կտրատել խորանարդիկներով:

_Լոլիկի մածուկը ջրի մեջ նոսրացնել: Ավելացնել աղ, շաքար և բուսական յուղ:

_Դրա մեջ լցնել դդմիկները, դնել կրակի վրա և եփել մոտ 10 րոպե:

_Մանրացնել գազարը և ավելացնել դդմիկին, եփել ևս 10 րոպե:

_Կտատել սոխը և պղպեղը օղակներով և ավելացնել դդմիկի վրա, կրկին եփել 10 րոպե:

_Եվս 10 րոպե հետո ավելացնել լոլիկը և քացախը:

_10 րոպե եփել ստացված զանգվածը և լցնել այն բանկաների մեջ, որոնք նախապես ստերիլիզացված են:

_Փակել կափարիչով, ծածկել սրբիչով և թողնել մինչև սառչի:

_Այս մթերքներից արդյունքում ստացվում է մի փոքր ավելին, քան 5 լիտր պատրաստի աղցան:

Դդմիկով աղցանը պատրաստ է: Այն կարող եք հանգիստ պահել սենյակային ջերմաստիճանում:

Բարի ախորժակ:

Տեսանյութ

Դդմիկով կոտլետներ