Դդմիկով աղցանը կարող եք մատուցել ընկույզով որպես տաք կամ սառը աղցան: Սա կարող եք մատուցել նաև որպես բանջարեղենային խորտիկ:
Դդմիկով աղցան. Անհրաժեշտ բաղադրիչները
_Դդմիկ 2 հատ
_Սոյայի սոուս 1-2 ճաշի գդալ
_Մեղր 1 թեյի գդալ
_Բուսական յուղ 1-2 ճաշի գդալ
_Սխտոր 2 պճեղ
_Կիտրոնի հյութ 2 թեյի գդալ
_Մանրացրած ընկույզ 2 թեյի գդալ
_Կանաչիներ՝ ըստ ճաշակի
_Աղ և պղպեղ՝ ըստ ճաշակի
Դդմիկով աղցան. Պատրաստման եղանակը
_Լվանալ դդմիկը և կտրատել շերտերով:
_Աղ անել, թողնել 15 րոպե, որ հյութն արտազատվի։
_Քամել հյութը, լցնել թղթե սրբիչների վրա և լավ մաքրել ավելորդ հեղուկից։
_Մի փոքր բուսայուղ տաքացնել և մարմանդ կրակի վրա տապակել դդմիկը, թողնել հանգստանա:
_Մեղրը խառնել սոյայի սոուսի, կիտրոնի հյութի, բուսական յուղի, մանրացրած սխտորի հետ։
_Խառնել սոուսը և փորձել: Կարող եք ավելացնել նաև այն համեմունքները, որ ձեզ դուր է գալիս:
_Հագեցնել դդմիկը սոուսով, ցանել բլենդերով մանրացված ընկույզ և կանաչիներ:
Հուշում. աղցանը համով և բույրով ավելի վառ դարձնելու համար ավելի լավ է դրանք մի քանի ժամ թողնել սառնարանում՝ ծածկելով աղցանը կափարիչով կամ սննդի թաղանթով։
Բարի ախորժակ:
Տեսանյութ
Դդմիկով կոտլետ
