Դդմիկով աջիկա. Մեր ընտանեկան բաղադրատոմսը: Անմիջապես ուզում ենք նշել, որ իհարկե գիտենք, որ այս անվանումը մեր հնարանքն է, որովհետև մենք սովոր ենք աջիկա անվանել այն, դա կծու և շատ պայծառ համեմված պահածո է, որը մի փոքր նման է դդմիկով խավիարի, բայց ունի ավելի ցայտուն համ:
Հուսով ենք, որ դուք կհավանեք այս բաղադրատոմսը և ձմռան համար պատրաստեք մի քանի բանկա ամեն սեզոնին:
Դդմիկով աջիկա. Մեզ պետք կլինի.
- դդմիկ — 5 կգ (արդեն մաքրած)
- բուսական յուղ -1,5 բաժակ;
- շաքար — 1 բաժակ;
- աղ — 2 ճաշի գդալ
- 2 հատ կծու պղպեղ
- տոմատի մածուկ — 450-500 գրամ
- քացախ 9% — 150 մլ
- սխտոր (մաքրված) — 1 բաժակ:
Դդմիկով աջիկա. Քայլ առ քայլ բաղադրատոմս
- Այսպիսով, պահածոյի համար պատրաստել դդմիկը, անհրաժեշտության դեպքում մաքրել սերմերից, եթե դդմիկը երիտասարդ է, կարող եք միայն կեղևը հեռացնել: Աղալ դրանք մսաղացով:
- Դդմիկին ավելացնել բուսական յուղը, տոմատի մածուկ, շաքար, աղ, կծու պղպեղ (այն նույնպես մանրացնել մսաղացով:
- Դդմիկի զանգվածը դնել կրակի վրա և եփել եռալու պահից մոտ սկսած 1 ժամ: Մի մոռացեք ժամանակ առ ժամանակ խառնել:
- Դրանից հետո ավելացնել ճզմիչով լավ մանրացված սխտորը դդմիկի զանգվածին և լցնել քացախը:
Այնուհետև եփել ևս 10 րոպե: - Մինչ աջիկան եփվում է, պետք է ջեռոցում մանրէազերծել բանկաները: Դրանք պետք է դնել սառը ջեռոցում միջին մակարդակի վրա, և հասցնել ջերմությունը 150 ° C: Թողնել 5 րոպե: Դրանից հետո անջատել ջեռոցը և թողնել 15 րոպե:
- Պատրաստի աջիկան տաք վիճակում լցնել ստերիլիզացված բանկաների մեջ և ամուր փակել կափարիչներով:
- Շրջել բանկաները կափարիչները ներքև և փաթաթել դրանք ծածկոցով, մինչև ամբողջովին սառչեն:
Դդմիկով աջիկան պատրաստ է:
Բարի ախորժակ: