Դդմիկով բլիթներ. Համեղ ու թարմ ուտեստ, որը կարող եք մատուցել որպես անկախ կերակրատեսակ` թթվասերով, մածունով, մայոնեզով, սոուսով, վրան ցանելով թարմ սամիթով կամ մաղադանոսով: Այս բլիթները կարելի է մատուցել որպես խավարտ մսի, հավի կամ ձկան ուտեստների հետ:
Դդմիկով բլիթները այժմ կարելի է պատրաստել գրեթե ամբողջ տարվա ընթացքում, քանի որ դրանք միշտ վաճառվում են:
Ինչպես ցանկացած բաղադրատոմսում, դդմիկի բլիթների պատրաստումը նույնպես ունի իր գաղտնիքները: Դրանց մասին ավելի մանրամասն:
Դդմիկով բլիթներ. Անհրաժեշտ բաղադրիչներ
- Դդմիկ — 2 հատ, մոտավոր 1,5 կգ
- Գազար — 1 հատ (միջին չափի)
- Սխտոր — 1 պճեղ (ըստ ցանկության)
- Ձու — 1 հատ
- Աղ — 0,5 թեյի գդալ
- Շաքար — 1 ճաշի գդալ
- Պղպեղ` ըստ համտեսի
- Ալյուր — 6 ճաշի գդալ
- Օսլա — 1 ճաշի գդալ (կարտոֆիլի կամ եգիպտացորենի)
- Դարչին — 1 թեյի գդալ
- Ուրց — 1 փունջ
- Տապակելու համար բուսական յուղ
Դդմիկով բլիթներ. Ինչպես պատրաստել
- Մաքրել դդմիկը, կտրել երկու ծայրերը, հեռացնել սերմերը, կտրել 4-6 մասերի և քերել խոշոր քերիչով: Կարելի է օգտագործել խոհանոցային կոմբայն: Վերջում պետք է քամել հյութը, որը մեծ քանակությամբ է արտադրվում: Դա կարելի է անել ուղղակի ձեռքերով քամելով: Այնուհետև լցնել դդմիկը խորը ամանի մեջ:
- Լվանալ գազարը, քերել մանր քերիչով: Գազարը բլիթներին կտա գեղեցիկ գույն և ծավալ: Քերած գազարը ավելացնել դդմիկին: Եթե որոշեք օգտագործել սխտոր, ապա մանր կտրատել և ավելացնել գազարի ու դդմիկի զանգվածին:
- Ավելացնել ձուն: Աղ, պղպեղ անել ըստ համտեսի: Լցնել շաքարավազ և դարչին: Խառնել այս զանգվածը մանրակրկիտորեն: Ավելացնել օսլա, իսկ հետո ալյուր՝ անընդհատ խառնելով: Դդմիկի զանգվածը (խմորը) բավականին ջրիկ է ստացվում: Պետք չէ վախենալ դրանից: Տապակելիս այն արագորեն գոլորշիանում է
- Տաքացնել տապակը, մի քիչ յուղ լցնում (մոտ 2 ճաշի գդալ), երբ յուղը տաքանա, ուրցի մի փունջ իջեցրեք դրա մեջ, որպեսզի յուղը կլանի ուրցի բույրը: Ի դեպ, այս դերում խնկունին նույնպես շատ հարմար է: Այնուհետև հանել փունջը:
- Ճաշի գդալով, տապակի մեջ դնել 5-6 բլիթ և տապակել յուրաքանչյուր կողմից 2-3 րոպե միջին կրակի վրա, որպեսզի դրանք չայրվեն: Սովորաբար դդմիկով նրբաբլիթներն արագ են տապակվում: Ափսեի վրա շարել պատրաստի բլիթները:
- Ըստ անհրաժեշտության ավելացնել յուղը, կրկին կատարել հնարքը ուրցի փունջով և կրկին 5-6 բլիթի խմոր լցնել տապակի մեջ: Դդմիկի նշված քանակից ստացվում են 35-40 նրբաբլիթ:
Ահա այսպես հեշտ և արագ կարելի է պատրաստել դդմիկով բլիթներ:
Բարի ախորժակ:
Տեսանյութ
Դդմիկով կոտլետներ