Գազարով, քաղցր պղպեղով, սխտորով և կանաչիներով պատրաստենք դդմիկով պահածո:
Սա պարզ, բայց այնքան համեղ նախուտեստ աղցան է, որը միշտ կպատրաստեք ձմռան համար։
Դդմիկով պահածո. Անհրաժեշտ բաղադրիչները
_Դդմիկ 2,5 կգ
_Գազար 3 հատ
_Սոխ 4-5 հատ
_Քաղցր պղպեղ 500 գր
_Սխտոր 2 գլուխ
_Կանաչիների մի փունջ
_Սև պղպեղ 2 թեյի գդալ
_Սովորական աղ 2 ճաշի գդալ
_Շաքարավազ 3 ճաշի գդալ
_Քացախ 9% 150 գր
_Բուսական յուղ 150 մլ
Յուրաքանչյուր 0,7 լ բանկայի համար
_Դափնու տերև 1 հատ
_Պղպեղի հատիկներ 4 հատ
_Սխտորի 1 պճեղ՝ ըստ ցանկության
Դդմիկով պահածո. Պատրաստման եղանակը
_Դդմիկը կտրատել շերտերով, քերել գազարը կորեական գազարի քերիչով, քաղցր պղպեղը և սոխը՝ կիսաօղակներով։
_Վերցնել խոշոր սխտորը, կտրատել կանաչիների հետ միասին, իսկ կծու պղպեղը մանր կտրատել՝ ըստ ճաշակի։
_Բանջարեղենն ու կանաչիները սխտորի հետ խառնել, ցանել աղը, շաքարավազը, պղպեղը, լցնել բուսայուղը և քացախը, լավ խառնել։
_Թողնել մարինացվի 3 ժամ՝ երբեմն խառնելով։
_Մաքուր բանկաների մեջ լցնել հատիկ պղպեղը, դափնու տերևը, մնացած մյուս բաղադրիչները, ավելացնել աղցանը, մի փոքր սեղմել և լցնել աղցանից առաջացած հեղուկը։
_Ծածկել կափարիչներով և բանկաները դնել կաթսայի մեջ, որի մեջ պետք է նախապես փռել սրբիչ։
_Մինչև բանկաների ուսերը տաք ջուր լցնել և եռալու պահից 10 րոպե ստերիլիզացնել։
_Կափարիչներով փակել, բանկաները շրջել և սրբիչով փաթաթել, թողնել, մինչև սառչի։
_Պահել նկուղում կամ պատշգամբում։
Նախուտեստը շատ համեղ է ստացվում՝ թեթև, չափավոր կծու։ Բայց, եթե ձեզ դուր է գալիս, կարող եք այն ավելի կծու դարձնել՝ ավելացնելով ավելի շատ կծու պղպեղ:
Բարի ախորժակ:
Տեսանյութ
Շատ շքեղ լցոնած սմբուկ
